বকোত পোৱালি হাতীৰ মৃতদেহ উদ্ধাৰ

বকোৰ গামেৰীমূৰা দৰেং সংৰক্ষিত এলেকাত দেওবাৰে পুৱাৰ ভাগত এটা হাতী পোৱালিৰ মৃতদেহ উদ্ধাৰক লৈ চাঞ্চল্যৰ সৃষ্টি হৈছে ৷ বন বিভাগৰ লোকে পশু চিকিৎসক মোতায়েন কৰি হাতীটোৰ মৃতদেহ মৰণোত্তৰ পৰীক্ষাৰ ব্যৱস্থা কৰিছে ৷

বকো, 14 জুনঃ দেওবাৰে পুৱাৰ ভাগত এটা মৃহ হাতী পোৱালি উদ্ধাৰ হোৱা ঘটনাক লৈ তীব্ৰ চাঞ্চল্য়ই বিৰাজ কৰিছে বকোৰ গামেৰীমূৰা দৰেং সংৰক্ষিত এলেকাত ৷ পুৱাৰ ভাগত পথাৰত পৰি থকা অৱস্থাৰ উদ্ধাৰ হয় হাতীটোৰ মৃতদেহ ৷ প্ৰায় এবছৰীয়া পোৱালি হাতীটোৰ মত্যু কাৰণ এতিয়াও জানিব পৰা যোৱা নাই ৷

উল্লেখ্য যে, শনিবাৰে নিশা অঞ্চলটোত এটা হাতীৰ জাকে উপদ্ৰৱ চলাইছিল আৰু দেওবাৰে পুৱাই উদ্ধাৰ হয় পোৱালিটোৰ মৃতদেহ ৷ ঘটনাস্থলীত ইতিমধ্যে উপস্থিত হৈছে পশ্চিম কামৰূপ বন সংমণ্ডলৰ অন্তৰ্গত বন্দাপাৰা বন বিভাগৰ দল আৰু বকো আৰক্ষী চকীৰ এটা আৰক্ষীৰদল ৷ বন বিভাগৰ লোকে পশু চিকিৎসক মোতায়েন কৰি হাতীটোৰ মৃতদেহ মৰণোত্তৰ পৰীক্ষাৰ ব্যৱস্থা কৰিছে ৷

লগতে পঢ়কঃ চৰকাৰী সাহায্যৰ অপেক্ষাত এটা অসহায় পৰিয়াল