গুৱাহাটী, 4মাৰ্চ: উত্তৰ কামৰূপত গঢ়ি উঠিছে ড্ৰাগছৰ বৃহৎ নেটৱৰ্ক ৷ বিশেষকৈ যুৱ প্ৰজন্মক নিচাযুক্ত সামগ্ৰীৰ প্ৰতি ঢাল খোৱা দেখিবলৈ পোৱা গৈছে ৷ আমিনগাঁৱৰ পাছত এইবাৰ উত্তৰ গুৱাহাটী ফুলুঙত বৃহস্পতিবাৰে যুৱতীসহ দুই ড্ৰাগছ আসক্ত যুৱকক আটক কৰা হয় ।
উল্লেখ্য যে, বৃহস্পতিবাৰে নিশা ফলুঙবাসী ৰাইজে নিশা ড্ৰাগছ সেৱনকাৰী দলটোক হাতে লোটে ধৰি আৰক্ষীক গতাই দিয়ে । জানিব পৰা মতে, আটকাধীন দুই যুৱকৰ নাম ৰোহিত বড়ো আৰু নয়নজ্যোতি ভূঞা ৷
ড্ৰাগছ আসক্ত যুৱকদ্বয়ে জনোৱা মতে, উত্তৰ কামৰূপত ড্ৰাগছ সৰৱৰাহকাৰীৰ আছে এটা বৃহৎ চক্ৰ । দীৰ্ঘ দিনৰ পৰা জলাহত ৰাজা, বাইহাটাত মামা, চিলা চাংসাৰীত আলতাফে চলাই আহিছে ড্ৰাগছৰ বেহা । আনহাতে, প্ৰতি ড'জত ছশ টকাকৈ ড্ৰাগছ ব্যৱসায়ীৰ পৰা ড্ৰাগছ ক্ৰয় কৰাৰ কথাও ব্যক্ত কৰে আটকাধীন যুৱকদ্বয়ে ৷ বিশেষকৈ এই বৰবিহ ৰূপী ড্ৰাগছৰ কৱলত পৰা পৰিলক্ষিত হৈছে কলেজীয়া শিক্ষাৰ্থী ৷ ইয়াৰ ফলত অসহায় হৈ পৰিছে কামৰূপ আৰক্ষী ৷ এই ক্ষেত্ৰত বিশেষকৈ কামৰূপ আৰক্ষীক কঠোৰ হ’বলৈ আহ্বান জনাইছে আমিনগাঁৱৰ ফলুঙ বাসী ৷
