গুৱাহাটী, 28 নৱেম্বৰ : অসম বিধানসভাৰ শীতকালীন অধিৱেশনখন 20 ডিচেম্বৰৰ পৰা আৰম্ভ হ'ব(Winter Session of assam assembly) ৷ ইয়াৰ পূৰ্বে শনিবাৰে দিছপুৰত আৰম্ভ হ'বলগীয়া 2021 বৰ্ষৰ শীতকালীন অধিৱেশনৰ খচৰা দিনপঞ্জী প্ৰস্তুত কৰিবৰ বাবে বিধানসভাৰ অধ্যক্ষ বিশ্বজিৎ দৈমাৰীৰ সভাপতিত্বত কাৰ্য উপদেষ্টা সমিতিৰ বৈঠক অনুষ্ঠিত হয় ৷ বৈঠকত সমিতিৰ সদস্যসকলে অংশগ্ৰহণ কৰে ৷
ইয়াৰ পাছতে অসম বিধানসভাৰ প্ৰক্ৰিয়া আৰু কাৰ্য পৰিচালনাৰ নিয়মাৱলীৰ ওপৰত আলোচনাৰ বাবে বৈঠক অনুষ্ঠিত হয় ৷ এই বৈঠকত বিধানসভাৰ সদস্যসকলে অংশগ্ৰহণ কৰে ৷ শাসক-বিৰোধী উভয়ে যাতে বিধানসভাৰ মৰ্যদা ৰক্ষা কৰি বিধানসভাৰ সকলো কাৰ্যসূচীত অংশ লয় তথা বিধানসভাৰ কাৰ্য পৰিচালনাত সহযোগ কৰে, তাৰ প্ৰতি লক্ষ্য ৰাখি বিভিন্নজনে দিহা-পৰামৰ্শ আগবঢ়ায় ৷
বিধানসভাৰ অধ্যক্ষ বিশ্বজিৎ দৈমাৰীৰ সভাপতিত্বত অনুষ্ঠিত বৈঠকত উপাধ্যক্ষ ডাঃ নোমল মমিন, সংসদীয় পৰিক্ৰমা বিভাগৰ মন্ত্ৰী পীযুষ হাজৰিকা, মন্ত্ৰী চন্দ্ৰমোহন পাটোৱাৰী, বিৰোধী দলপতি দেৱব্ৰত শইকীয়াই বক্তব্য আগবঢ়ায় ৷ বৈঠকত মন্ত্ৰীসকলৰ লগতে বিধানসভাৰ সদস্যসকল উপস্থিত আছিল ৷
লগতে চাওক :change in patterns of APSC exam : এতিয়াৰে পৰা অসমীয়াতো লিখিব পাৰিব লোকসেৱা আয়োগৰ পৰীক্ষাত
