শেষ বিন্দু তেজ থকা লৈকে কা'ৰ বিৰুদ্ধে প্ৰতিবাদ কৰি যোৱাৰ হুংকাৰ

নাগৰিকত্ব সংশোধনী আইন ২০১৯ আৰু কৃষক নেতা অখিল গগৈৰ মুক্তিৰ দাবীত প্ৰতিবাদ সাব্যস্ত কৰে কৃষক মুক্তি, ছাত্ৰ মুক্তিয়ে ৷ প্ৰতিবাদস্থলীত নেতৃত্বই ক'লে, 'শেষ বিন্দু তেজ থকা লৈকে কা' বিৰুদ্ধে প্ৰতিবাদ কৰি যাম ' ৷

গুৱাহাটী, 10 ডিচেম্বৰ : নাগৰিকত্ব সংশোধনী আইন ২০১৯ আৰু কৃষক নেতা অখিল গগৈ মুক্তিৰ দাবীত কামৰূপ মহানগৰৰ চচলত বৃহস্পতিবাৰে প্ৰতিবাদ সাব্যস্ত কৰে কৃষক মুক্তি সংগ্ৰাম সমিতিয়ে ৷ দোষীসাব্যস্ত নোহোৱাকৈ প্ৰায় 364 দিন ধৰি কাৰাবন্দী কৰি ৰখা অখিল গগৈক বিনাচৰ্তে মুক্তি দিয়াৰ লগতে সংশোধিত কা' বাতিলৰ দাবী তোলে কৃষক মুক্তি সংগ্ৰাম সমিতি লগতে ছাত্ৰ মুক্তি সংগ্ৰাম সমিতিৰ নেতৃত্বই ৷

প্ৰতিবাদস্থলীৰ পৰা ছাত্ৰ মুক্তিৰ সহকাৰী সাধাৰণ সম্পাদক প্ৰাঞ্জল কলিতাই কয়, কা গৃহীত হ'লে ৮৫৫ জন শ্বহীদক অপমান কৰা হ’ব ৷ কা' কোনো কাৰণতে গৃহীত হ’বলৈ দিয়া নহ'ব বুলি হুংকা প্ৰদান কৰি শেষ বিন্দু তেজ থকা লৈকে কা' বিৰুদ্ধে প্ৰতিবাদ কৰি যাম বুলি সকীয়নি দিয়ে প্ৰাঞ্জল কলিতাই ৷

ইফালে, ক্ষোভ প্ৰকাশ কৰি ছাত্ৰ মুক্তি সম্পাদক গৰাকীয়ে কয়, অসমৰ সকলো জাতীয় সংগঠনৰ লগতে ৰাজ্যৰ সকলো শ্ৰেণীৰ লোকে অখিল গগৈৰ মুক্তিৰ দাবী তুলিছিল যদিও কাৰাৰুদ্ধ হৈয়ে থাকিল কৃষক নেতাজন ৷ তদুপৰি কৃষক নেতাজনৰ স্পষ্টবাদিতাক শাসক পক্ষই ভয় কৰি স্বৈৰতান্ত্ৰিক ভাৱে কাৰাৰুদ্ধ কৰি ৰাখিছে বুলিও অভিযোগ তোলে প্ৰাঞ্জল কলিতাই ৷

উল্লেখ্য যে, দৈয়াং-টেঙানীৰ বনাঞ্চলবাসীৰ ভূমি পট্টাৰ পৰা আৰম্ভ কৰি বৃহৎ নদীবান্ধ পৰা কা' বিৰোধী আন্দোলনলৈকে এক শক্তিশালী জনমত গঠনত গুৰুত্বপূৰ্ণ ভূমিকা গ্ৰহণ কৰিছিল কৃষক নেতা জনে ৷ তদুপৰি কয়লা, চুপাৰী চিণ্ডিকেটৰ পৰা আৰম্ভ কৰি টোলগেট, দুৰ্নীতি, ভ্ৰষ্টাচাৰ আদি বিষয়ত স্পষ্টৰূপত চৰকাৰী পক্ষক প্ৰশ্ন কৰিছিল অখিল গগৈয়ে ৷

লগতে পঢ়ক:সিংঘু সীমান্তৰ পৰা কৃষকৰ সংবাদমেল লাইভ