Assam Arunachal Pradesh border issues : অসম-অৰুণাচল সীমা বিবাদ: ১৫ ছেপ্তেম্বৰৰ পাচত দুয়ো ৰাজ্যৰ মুখ্যমন্ত্ৰী পৰ্যায়ত বৈঠক

দুয়োখন ৰাজ্যৰ ১২ খনকৈ আঞ্চলিক সমিতিয়ে যুটীয়াভাৱে সংশ্লিষ্ট বিবদমান (Assam Arunachal Pradesh border issues) এলেকা ৩১ আগষ্টৰ ভিতৰত পৰিদৰ্শন কৰি ১৫ ছেপ্তেম্বৰৰ ভিতৰত দুয়োখন ৰাজ্যৰ মুখ্যমন্ত্ৰীক প্ৰতিবেদন দাখিল কৰিব । প্ৰতিবেদনৰ ভিত্তিত দুয়োখন ৰ‍াজ্যৰ মুখ্যমন্ত্ৰী আলোচনাত মিলিত হৈ বিবাদ মীমাংসাৰ বাবে পদক্ষেপ গ্ৰহণ কৰিব । অসম আৰু অৰুণাচলৰ মাজত ৮৬ খন গাঁৱক লৈ বিবাদ আছে । ১২ খন আঞ্চলিক সমিতিৰ অধ্যক্ষ, ৮ জিলাৰ অভিভাৱক মন্ত্ৰী, বিধায়ক আৰু জ্যেষ্ঠ সচিবৰ লগতে সংশ্লিষ্ট জিলাৰ উপায়ুক্তৰ সৈতে মন্ত্ৰী অতুল বৰাৰ পৰ্যালোচনা বৈঠক ।

গুৱাহাটী, ১১ আগষ্ট : অসম আৰু অৰুণাচল প্ৰদেশৰ মাজত থকা সীমা বিবাদ মীমাংসাৰ দিশে আগবাঢ়িছে । মেঘালয়ৰ দৰে অসম আৰু অৰুণাচলৰ সীমা বিবাদ দূৰ (Assam Arunachal Pradesh border issues) কৰাৰ বাবে দুয়োখন ৰাজ্যৰ চৰকাৰে উদ্যোগ গ্ৰহণ কৰিছে । এই সন্দৰ্ভত ১৫ ছেপ্তেম্বৰৰ পাচত দুয়োখন ৰাজ্যৰ মুখ্যমন্ত্ৰীৰ পৰ্যায়ত বৈঠক অনুষ্ঠিত হ’ব ।

সেই বৈঠকতে দুয়োখন ৰাজ্যৰ মুখ্যমন্ত্ৰীয়ে আলোচনা কৰি মেঘালয়ৰ দৰে বিবাদ মীমাংসাৰ বাবে পদক্ষেপ গ্ৰহণ কৰিব । বৃহস্পতিবাৰে গুৱাহাটীৰ অসম প্ৰশাসনীয় পদাধিকাৰী মহাবিদ্যালয়ৰ প্ৰেক্ষাগৃহত এখন সংবাদমেল সম্বোধন কৰি মন্ত্ৰী অতুল বৰাই এই কথা সদৰী কৰে (Assam Arunachal Pradesh Border meeting by Minister Atul Bora) ।

সংবাদমেলৰ পূৰ্বে সীমান্ত উন্নয়ন মন্ত্ৰী অতুল বৰাৰ অধ্যক্ষতাত ১২ খন আঞ্চলিক সমিতিৰ অধ্যক্ষ, ৮ জিলাৰ অভিভাৱক মন্ত্ৰী, বিধায়ক আৰু জ্যেষ্ঠ সচিবৰ লগতে সংশ্লিষ্ট জিলাৰ উপায়ুক্তৰ সৈতে পৰ্যালোচনা বৈঠক অনুষ্ঠিত হয় । বৈঠকত অসম-অৰুণাচলৰ সীমা বিবাদ সম্পৰ্কত দুয়োখন ৰাজ্যৰ মুখ্যমন্ত্ৰীৰ পৰ্যায়ত ১৫ জুলাইত হোৱা বৈঠকৰ ‘‘নামচাই ঘোষণা পত্ৰ’’ সন্দৰ্ভত বিশদভাৱে আলোচনা কৰা হয় ।

লগতে পঢ়ক : Assam Direct Recruitment 2022: তৃতীয় আৰু চতুৰ্থ শ্ৰেণীৰ খালী পদৰ নিযুক্তিৰ সন্দৰ্ভত মুখ্যমন্ত্ৰীৰ বৈঠক

পৰ্যালোচনা বৈঠক সন্দৰ্ভত মন্ত্ৰী অতুল বৰাই কয় যে, অসম-অৰুণাচল সীমা বিবাদ সন্দৰ্ভত ইতিমধ্যে দুটা পৰ্যায়ত বৈঠক অনুষ্ঠিত হৈছে । ইতিমধ্যে ১৫ জুলাইত দুয়োখন ৰাজ্যৰ মুখ্যমন্ত্ৰী পৰ্যায়ত হোৱা আলোচনাত ‘‘নামচাই ঘোষণা পত্ৰ’’ স্বাক্ষৰিত হৈছে । অৰুণাচলৰ লগত ৮০০ কিলোমিটাৰ এলেকাক লৈ বিবাদ আছে ।

ইতিমধ্যে দুয়োখন ৰাজ্যৰ ১২ খনকৈ আঞ্চলিক সমিতি গঠন কৰা হৈছে । এই সমিতি কেইখনে যুটীয়াভাৱে সংশ্লিষ্ট বিবাদ মান এলেকা পৰিদৰ্শন কৰি পৰিস্থিতিৰ পৰ্যবেক্ষণ কৰিব । মন্ত্ৰী বৰাই কয় যে, ৩১ আগষ্টৰ ভিতৰত দুয়োখন ৰাজ্যৰ আঞ্চলিক সমিতি কেইখনে সংশ্লিষ্ট বিবাদমান এলেকা পৰিদৰ্শন কৰি ১৫ ছেপ্তেম্বৰৰ ভিতৰত দুয়োখন ৰাজ্যৰ মুখ্যমন্ত্ৰীক প্ৰতিবেদন দাখিল কৰিব ।

ইয়াৰ পাচতে সেই প্ৰতিবেদনৰ ভিত্তিত দুয়োখন ৰ‍াজ্যৰ মুখ্যমন্ত্ৰী আলোচনাত মিলিত হ’ব আৰু বিবাদ মীমাংসাৰ বাবে পদক্ষেপ গ্ৰহণ কৰিব । মন্ত্ৰী বৰাই কয় যে, বৰ্তমান অসম আৰু অৰুণাচলৰ মাজত ৮৬ খন গাঁৱকলৈ বিবাদ আছে । ৮৬ খন গাঁৱৰ ৰাইজৰ মতামত গ্ৰহণ কৰাৰ লগতে ভৌগোলিক দিশো পৰ্যবেক্ষণ কৰা হ’ব ।

যুটীয়া পৰিদৰ্শনৰ অন্তত দাখিল কৰা প্ৰতিবেদনৰ ভিত্তিতে সিদ্ধান্ত গ্ৰহণ কৰিব দুই ৰাজ্যই বুলি মন্ত্ৰী বৰাই কয় ।

লগতে পঢ়ক : Assam CM assures tea workers: চাহ শ্ৰমিকৰ ন্যূনতম দৈনিক মজুৰি ২৭ টকাকৈ বৃদ্ধি