গুৱাহাটী, ১৯ নৱেম্বৰ: অসমত জলসিঞ্চন(Irrigation)ৰ পৰ্যাপ্ত ব্যৱস্থা নথকাৰ বাবেই কৃষক ৰাইজে বতৰৰ ওপৰতে নিৰ্ভৰ কৰি কৃষিকাৰ্য কৰিবলগীয়া হয় । ইফালে, জলসিঞ্চনৰ যিবোৰ আঁচনি আছে সেইবোৰৰ বেছিভাগেই কাৰ্যক্ষম নহয় । ইয়াৰ মাজতে কৃষকে খেতিপথাৰত পানী নােপােৱা আৰু অর্ধনির্মিত হৈ থকা ৰাজ্যখনৰ জলসিঞ্চন প্রকল্প(Irrigation projects)সমূহ চিৰদিনৰ বাবে বন্ধ হ'ব । বছৰ বছৰ ধৰি সংমণ্ডলে সংমণ্ডলে নির্মাণ সম্পূর্ণ নােহােৱাকৈ আধৰুৱা হৈ থকা প্রায় ৩০-৪০টা সৰু-বৰ জলসিঞ্চন প্রকল্প বন্ধ কৰাৰ বাবে চৰকাৰে চূড়ান্ত সিদ্ধান্ত গ্রহণ কৰিছে ।
ইতিমধ্যে, অর্ধনির্মিত হৈ থকা প্রকল্পসমূহ চিৰদিনৰ বাবে বন্ধ কৰাৰ বাবে জলসিঞ্চন বিভাগে(Irrigation Department) এখন তালিকা প্রস্তুত কৰিছে । একাংশ ঠিকাদাৰ আৰু বিষয়া-অভিযন্তাই কেৱল ধন ঘটাৰ আহিলা হিচাপে ব্যৱহাৰ কৰি অহা অর্ধনির্মিত প্রকল্পসমূহৰ ক্ষেত্ৰত চৰকাৰে এতিয়া আৰু পুঁজি মুকলি কৰি নিদিয়ে । ইতিপূর্বে অর্ধনির্মিত প্রকল্পসমূহত যিমান পৰিমাণৰ পুঁজি ব্যয় কৰা হৈছে, সেই পুঁজি সম্পূর্ণ অপচয় বুলি বিভাগটোৱে ধৰি লৈছে । উল্লেখ্য যে, জলসিঞ্চন বিভাগটো বছৰ বছৰ ধৰি একাংশ ঠিকাদাৰ, অভিযন্তাৰ বাবে কেৱল ধন ঘটাৰ আহিলাত পৰিণত হৈ আহিছিল ।
একাংশ প্ৰভাৱশালী ঠিকাদাৰে নিৰ্ধাৰণ কৰি দিয়া স্থানত জলসিঞ্চন প্রকল্প স্থাপনৰ বাবে বিষয়া-অভিযন্তাই প্রস্তাৱ প্ৰস্তুত কৰি কেন্দ্ৰলৈ প্ৰেৰণ কৰিছিল আৰু সেইমর্মে কেন্দ্রীয় চৰকাৰে পুঁজি আবণ্টন দিছিল । আবণ্টিত সেই পুঁজি সময়ে সময়ে মুকলি কৰি দি ঠিকাদাৰ তথা একাংশ বিষয়া-অভিযন্তাৰ আয়ৰ উৎস হৈছিল যদিও বছৰৰ পাছত বছৰ ধৰি তেনে বহু প্রকল্প নির্মাণ সম্পূর্ণ হৈ উঠা নাছিল ।
কেন্দ্রই আবণ্টন দিয়া পুঁজিৰ ব্যয় সম্পূর্ণ হােৱাৰ পাছতাে একাংশ প্রকল্প নির্মাণ সম্পূর্ণ কৰা নাছিল । বিশেষকৈ কেন্দ্রীয় চৰকাৰ(Central Government)ৰ এ আই বি পি আঁচনিখন(AIBP Scheme)ৰ অধীনস্থ বহু প্রকল্পৰ নির্মাণকাৰ্য আধৰুৱা কৰি ৰখা হৈছিল । তাতকৈয়াে ডাঙৰ কথা এয়ে যে, উৎসস্থলীত পর্যাপ্ত পানী নথকা সত্ত্বেও কেৱল ঠিকাদাৰ বা অভিযন্তাৰ ব্যক্তিগত স্বার্থৰ কথা চিন্তা কৰি কেইবাটাও অঞ্চলত প্রকল্পৰ নির্মাণকাৰ্য আৰম্ভ কৰা হৈছিল । ফলত তেনে বহু প্রকল্পৰ পৰা আজি পর্যন্ত পথাৰত কৃষকে পানী নাপালে বা প্রকল্পৰ নির্মাণকাৰ্য আধৰুৱা হৈ থাকিল ।
ৰাজ্যখনত এনে বহু প্রকল্পৰ নামত শ শ কোটি টকা ব্যয় হােৱাৰ পাছতাে নির্মাণকার্য আধৰুৱা হৈ থকাত এতিয়া কেন্দ্রীয় চৰকাৰে পৰৱর্তী পুঁজি মােকলাই দিয়া বন্ধ কৰিছে । অর্থাৎ আধৰুৱা প্রকল্পৰ ক্ষেত্ৰত পুঁজিব্যয়ৰ প্রমাণপত্র দাখিল কৰিব নােৱৰাত তেনে প্রকল্পৰ ক্ষেত্ৰত কেন্দ্রই আৰু পৰৱর্তী পর্যায়ৰ পুঁজি মুকলি কৰি নিদিয়ে । বিশেষকৈ এ আই বি পি আঁচনিখনৰ ক্ষেত্ৰত এনে পৰিস্থিতি দেখা দিয়াত এতিয়া অর্ধনির্মিত প্রকল্পসমূহ বন্ধ কৰাৰ সিদ্ধান্ত ল'বলৈ চৰকাৰ বাধ্য হৈছে । ইয়াৰ বিপৰীতে এতিয়া কেৱল নতুন প্রকল্প নির্মাণ আৰু চলি থকা প্ৰকল্পৰ ক্ষেত্ৰতহে চৰকাৰে পুঁজি মুকলি কৰিব ।
এই সিদ্ধান্তৰ ফলত বিভাগটোত পৰম্পৰাগতভাৱে চলি অহা অনিয়ম কিছু পৰিমাণে বন্ধ হ’ব বুলি অনুমান কৰা হৈছে । কিন্তু এই সিদ্ধান্তবােৰ লােৱাৰ ফলত বিগত ভালেমান দিন ধৰি বিভাগটোৰ নির্মাণ সম্বন্ধীয় অন্য কাম-কাজবােৰাে স্থবিৰ হৈ পৰিছে । জানিব পৰা মতে, চৰকাৰে জলসিঞ্চন বিভাগটোক পুনৰ গঠন কৰাৰ প্রক্রিয়া হাতত লৈছে ।
পূর্বে কোনাে ধৰণৰ সংগতি নােহােৱাকৈ স্থাপন কৰা সংমণ্ডল কার্যালয়সমূহ বন্ধ কৰা হৈছে আৰু বিধানসভাৰ সমষ্টি ভিত্তিত সংমণ্ডল স্থাপনৰ কাম চলি আছে । প্রতিটো বিধানসভা সমষ্টিত জলসিঞ্চনৰ একোটাকৈ সংমণ্ডল কার্যালয় স্থাপনৰ কাম সম্প্রতি চলি আছে । এই কার্যালয়সমূহ স্থাপন হােৱাৰ পাচতহে নতুন প্রকল্প নির্মাণৰ কাম আৰম্ভ হ'ব ।
লগতে পঢ়ক:Repeal of farm laws : দেশৰ অন্নদাতাৰ ওচৰত সেও মানিবলৈ বাধ্য হ'ল কেন্দ্ৰীয় চৰকাৰ
