টীয়ক,1 মাৰ্চ: নিৰ্বাচনক কেন্দ্ৰ কৰি টীয়কত প্ৰশাসনৰ তৎপৰতা ৷ জিলাখনৰ অন্তৰ্গত ১০২নং বিধানসভা সমষ্টিত প্ৰশাসনে গ্ৰহণ কৰিছে বিশেষ ব্যৱস্থা । ইতিমধ্যে ৰাজহুৱা স্থানত থকা চৰকাৰী আঁচনিসমূহৰ হৰ্ডিং, পোষ্টাৰ আদি আঁতৰাই পেলোৱাৰ লগতে ভোটগ্ৰহণ কেন্দ্ৰসমূহৰ নিৰাপত্তাৰ দিশটো পৰ্যবেক্ষণ কৰিছে ।
এইবাৰ টীয়ক বিধানসভা সমষ্টিত মুঠ ভোটাৰৰ সংখ্যা 1,31,298 গৰাকী । সমষ্টিটোত অতিৰিক্ত ২০ টা ভোটগ্ৰহণ কেন্দ্ৰকে ধৰি মুঠ ভোটগ্ৰহণ কেন্দ্ৰৰ সংখ্যা হ'ল ১৯১ টা । ইতিমধ্যে সকলো কাম-কাজ চক্ৰ বিষয়াৰ নেতৃত্বত সুচাৰুৰূপে আৰম্ভ হৈছে আৰু সকলো ঠিকে-থাকে চলাই নিবলৈ সকলোকে সহযোগিতা কৰিবলৈ আহ্বান জনাইছে ।