টীয়ক,3নৱেম্বৰ: মংগলবাৰে টীয়কৰ চিন্তামণিগড়ত অনুষ্ঠিত হৈ যায় এখন প্ৰতিনিধি সভা ৷ শিমলুগুৰি আঞ্চলিক ছাত্ৰ সন্থা আৰু যোৰহাট মহকুমা ছাত্ৰ সন্থাৰ সহযোগত অনুষ্ঠিত হৈ যায় এই সভাখন ৷
মহকুমাটোৰ প্ৰায় ৩০০ প্ৰতিনিধিৰ উপস্থিতিত অনুষ্ঠিত হোৱা সভাখনত পৰৱৰ্তী বছৰৰ বাবে বিতোপন বৰাক সভাপতি আৰু যদুমণি বৰুৱাক সম্পাদক হিচাপে লৈ এখন পূৰ্ণাংগ সমিতি গঠন কৰা হয় । প্ৰতিনিধি সভাৰ প্ৰাকক্ষণত চিন্তামণিগড় উচ্চ মাধ্যমিক বিদ্যালয়ৰ প্ৰাংগণত স্থায়ীভাৱে নিৰ্মিত শ্বহীদ বেদীটো উদ্বোধন কৰা হয় ।
ইফালে এই সভাতেই বৰ্তমানৰ বিজেপি চৰকাৰখনে শ্বহীদ বেদী পুনৰ নিৰ্মাণৰ বাবে আগবঢ়োৱা অনুদান টীয়কৰ বিধায়িকা ৰেণুপমা ৰাজখোৱাৰ নেতৃত্বত একাংশ দালালে আত্মসাৎ কৰাৰ অভিযোগ কৰে ছাত্ৰ সন্থাই । সেয়ে এই ক্ষেত্ৰত ৰাজ্যৰ মুখ্যমন্ত্ৰী সৰ্বানন্দ সোণোৱালক হস্তক্ষেপ কৰিবলৈ আহ্বান জনাই ছাত্ৰ সন্থাই ।
অন্য এক খবৰৰ বাবে: আদালতত হাজিৰ JEE কেলেংকাৰীৰ অপৰাধীক
