টীয়ক,25 অক্টোবৰ: অন্যান্য প্ৰান্তৰ দৰে যোৰহাটৰো ভিন্ন অঞ্চলত অনুষ্ঠিত হৈছে শাৰদীয় দুৰ্গোৎসৱ ৷ জিলাখনৰ টীয়কৰ অতি ভিতৰুৱা অঞ্চল মেলেং লহকৰ গাঁৱত এজন যুৱকে নিজববীয়া প্ৰচেষ্টাৰে আয়োজন কৰিছে দুৰ্গা পূজাৰ ৷ কৃষ্ণ প্ৰসাদ দত্ত নামৰ যুৱকজনে প্ৰায় তিনি বছৰ বয়সৰ পৰাই দুৰ্গা পূজাত অংশগ্ৰহণ কৰি আহিছে ৷
প্ৰথমাৱস্থাত, যুৱকজনে ঘৰৰ পিৰালিতে কেঁচুমতাৰ মাটিৰে প্ৰতিমা প্ৰস্তুত কৰি পৰৱৰ্তী সময়ত পৰিয়ালৰ সহযোগত পূজা মণ্ডপ তৈয়াৰ কৰি ঘৰতে অনুষ্ঠিত কৰি আহিছে পূজাৰ ৷ সম্পূৰ্ণ বৈদিক নীতি-নিয়মেৰে যুৱকজনে পালন কৰিছে দুৰ্গা পূজা । উল্লেখ্য যে,কোনো ধৰণৰ আনুষ্ঠানিক পূজাৰ শিক্ষা নথকাকৈয়ে যুৱকজনে নিখুঁতভাৱে প্ৰতিমা নিৰ্মান কৰাৰ লগতে সংস্কৃত ভাষাত মন্ত্ৰ পাঠ কৰি সকলোৰে দৃষ্টি আকৰ্ষণ কৰিবলৈ সক্ষম হৈছে ৷ পেছাগতভাৱে এগৰাকী মৃণ্ময় শিল্পী কৃষ্ণ প্ৰসাদক লৈ উৎসাহিত হৈ পৰিছে স্থানীয় ৰাইজ ৷
লগতে চাওকঃ চণ্ডিকা মন্দিৰৰ 108 ঘটৰ পূজা
