হোজাই, 19 জুলাই : হোজাই জিলাৰ বৰবহাৰ পৰা অপহৰণ কৰা এগৰাকী নাবালিকা লংকা আৰক্ষীয়ে নগাঁও জিলাৰ জুৰীয়াৰ পৰা উদ্ধাৰ কৰে । ঘটনা অনুসৰি, যোৱা 16 জুলাইত এগৰাকী 13 বছৰীয়া কিশোৰী বৰবহাৰ পৰা নাইকিয়া হৈছিল । ইয়াৰ পাচতে কিশোৰীগৰাকী অপহৰণ হোৱা বুলি নিশ্চিত হৈ পৰিয়ালৰ লোকে লংকা আৰক্ষী থানাত এখন এজাহাৰ দাখিল কৰে ।
বৰবহাৰ অপহৃত নাবালিকা জুৰীয়াত উদ্ধাৰ
এজাহাৰৰ ভিত্তিত অনুসন্ধান চলাই জুৰীয়াৰ হাতীপাৰা গাঁৱৰ পৰা লংকা আৰক্ষীয়ে অপহৃত নাবালিকা গৰাকীক উদ্ধাৰ কৰে ৷ লগতে অপহৰণকাৰী আশ্বাদ আলীকো(23) গ্ৰেপ্তাৰ কৰিবলৈ সক্ষম হয় আৰক্ষীৰ দলে । অপহৰণকাৰী আশ্বাদ আলীৰ ঘৰ হোজাইত বুলি জানিব পৰা গৈছে । বৰ্তমান আশ্বাদ আলীক লংকা আৰক্ষীয়ে জেৰা অব্যাহত ৰাখিছে ।
লগতে পঢ়ক : মাঞ্জা আৰক্ষীৰ জালত বৃহৎ গাড়ীচোৰ চক্ৰ
