হোজাইৰ বানপীড়িতলৈ সাহাৰ্য্য

হোজাই,১ আগষ্টঃ হোজাই জিলা লংকা পৌৰ সভাৰ উদ্যোগত আৰু সচেতন ৰাইজৰ সহযোগত বানপীড়িত লোকক সাহাৰ্য্য প্ৰদান । কিছুদিন পূৰ্বে প্ৰলয়ংকাৰী বানে বুৰাই পেলাইছিল অসমৰ ইমুৰৰ পৰা সিমুৰলৈকে বহু অঞ্চল | তাৰে কিছু কিছু অঞ্চলত বানপানী কমিছে যদিও বানাক্ৰান্তই এটুপি খোৱা পানী,খাদ্যবস্তুৰ বাবে বৰ্তমান হাহাকাৰ কৰিব লগা হৈছে | চৰকাৰে বানাক্ৰান্তক সহায় সহযোগিতা কৰাৰ লগতে এন জি অ', চৰকাৰী তথা বিভিন্ন বেচৰকাৰী সংস্থা আদিয়েও সাহাৰ্য্য শিৱিৰৰ জৰিয়তে সহায় সহযোগ কৰা পৰিলক্ষিত হৈছে | তাৰ সমান্তৰালভাৱে বানাক্ৰান্ত ৰাইজক সহায় কৰাৰ উদ্দেশ্য লংকা পৌৰ সভাৰ উদ্যোগত আৰু লংকাৰ বিভিন্ন প্ৰান্তৰ সচেতন নাগৰিকৰ সহযোগত লংকাৰ পৰা পঠোৱা হয় খাদ্য সামগ্ৰী,পানীৰ লগতে বিভিন্ন ঔষধ | বিগত বছৰৰ দৰে এইবাৰো লংকাৰ পৰা এটা সজাতি দলে এখন ট্ৰাক আৰু দুখন টাটা মোবাইলত যাৱতীয় সামগ্ৰী নগাওঁ জিলাৰ কামপুৰ বান বিধস্ত অঞ্চললৈ প্ৰেৰণ কৰে |