যিমানেই ৰাজনৈতিক দল হয় সিমানেই ভাল : মৃণাল শইকীয়া

আছু আৰু অসম জাতীয়তাবাদী যুৱ ছাত্ৰ পৰিষদৰ উদ্যোগত গঠন হোৱা নতুন ৰাজনৈতিক দলক আদৰণি বিধায়ক মৃণাল শইকীয়াৰ । অৰাজনৈতিক সংগঠন সমূহক ৰাজনৈতিক দল সমূহৰ মঞ্চ আখ্যা বিধায়কগৰাকীৰ ।

গোলাঘাট, 12 ছেপ্টেম্বৰ : সদৌ অসম ছাত্ৰসন্থা আৰু অসম জাতীয়তাবাদী যুৱ ছাত্ৰ পৰিষদৰ উদ্যোগত গঠন হোৱা নতুন ৰাজনৈতিক দলক আদৰণি বিধায়ক মৃণাল শইকীয়াৰ । ৰাজনীতি লৈ আহিলেহে সমস্যা সমূহ সমাধান কৰিব পাৰিব, ৰাজনীতিৰ বাহিৰত থাকি চিঞৰি থাকিলে সমস্যা সমাধান নহয় বুলি মন্তব্য কৰি বিধায়কগৰাকীয়ে কয় যে, সেইহে যিমানেই ৰাজনৈতিক দল গঠন হয় সিমানেই ভাল ।

শনিবাৰে গোলাঘাটৰ সতী সাধনী কলাক্ষেত্ৰত অনুষ্ঠিত হোৱা গোলাঘাট জিলা বিজেপিৰ কাৰ্যনিৰ্বাহক সভাত অংশ গ্ৰহণ কৰি বিধায়ক গৰাকীয়ে লগতে কয় যে, অৰাজনৈতিক সংগঠন সমূহ এতিয়া ৰাজনৈতিক দল সমূহৰ মঞ্চ । নতুন ৰাজনৈতিক দল বিজেপিৰ বাবে কোনো কাৰণতেই প্ৰত‍্যাহবান নহয়। আনহাতে গোলাঘাট জিলাৰ বিজেপিৰ সভাপতি দেৱপ্ৰদীপ বৰাই গোলাঘাট জিলাৰ পাঁচোটা সমষ্টিত বিজেপিৰ প্ৰাৰ্থীত্ব লাভৰ আশা প্ৰকাশ কৰি কয় আগন্তুক নিৰ্বাচনত বিজেপিয়ে জিলা খনৰ প্ৰতিটো সমষ্টি দখল কৰিবলৈ সক্ষম হ’ব ।

লগতে পঢ়ক : জাগীৰোড কাগজ কল পুনৰুজ্জীত কৰাৰ দাবীৰে মৰিগাঁৱত প্ৰতিবাদ