গোলাঘাট,12 মে’: এচাম ব্যৱসায়ীয়ে লক্ ডাউনৰ সুযোগ গ্ৰহণেৰে সময়ে সময়ে ৰাজ্যত বিভিন্ন অসাধু ব্যৱসায় চলাই অহা পৰিলক্ষিত হৈছে ৷ স্থানীয় প্ৰশাসনৰ চকুত ধূলি দি এই ব্যৱসায়ত জড়িত ব্যৱসায়ীসকলৰ বিৰুদ্ধে ক্ৰমাৎ সষ্টম হৈ পৰিছে ৰাজ্যৰ প্ৰশাসন তথা খাদ্য সুৰক্ষা বিভাগ ৷
ব্যৱসায়িক প্ৰতিষ্ঠান ছীল
গোলাঘাটত দীৰ্ঘদিনে এইদৰে প্ৰশাসনৰ অজ্ঞাতে ম্যাদ উকলা সামগ্ৰী বিক্ৰীৰে ব্যৱসায় চলাই আহিছিল হেষ্টি টেষ্টি নামৰ ব্যৱসায়িক প্ৰতিষ্ঠানখনে ৷ মঙলবাৰে জিলা প্ৰশাসন আৰু খাদ্য সুৰক্ষা বিভাগে প্ৰতিষ্ঠানখনত চলোৱা যুটীয়া অভিযানত পোহৰলৈ আহে এই কথা ৷ জিলা দণ্ডাধীশ পাপু গগৈৰ নেতৃত্বত চলা অভিযানটোত প্ৰতিষ্ঠানখনৰ পৰা বহুসংখ্য়ক ম্যাদ উকলা চকলেট জাতীয় সামগ্ৰী জব্দ কৰে আৰক্ষীয়ে ৷ অভিযানৰ অন্তত প্ৰতিষ্ঠানখন ছীল কৰে প্ৰশাসনে ৷
