সৰুপথাৰ, 29 ডিচেম্বৰঃ ধনশিৰি মহকুমাৰ সৰুপথাৰ সীমান্তৰ চুঙাজানত নাগৰিকত্ব সংশোধনী আইনৰ বিৰুদ্ধে আছুৰ লগতে 30 জনগোষ্ঠীয় ছাত্ৰ সংগঠনৰ বজ্ৰ হুংকাৰ ৷ প্ৰায় পাঁচ সহস্ৰাধিক লোকে অংশগ্ৰহণ কৰা উক্ত প্ৰতিবাদী কাৰ্যসূচীত অংশগ্ৰহণ কৰে আছুৰ উপ-সভাপতি ৰাজু ফুকন, অভিনেতা অৰুণ হাজৰিকা, কন্ঠশিল্পী মহেন্দ্ৰ হাজৰিকাসহ কেইবাগৰাকীয়ো ছাত্ৰনেতা ৷
চুঙাজানত নাগৰিকত্ব সংশোধনী আইনৰ বিৰুদ্ধে বজ্ৰ হুংকাৰ
উক্ত বজ্ৰহুংকাৰ কাৰ্যসূচীত অংশগ্ৰহণ কৰি বিশিষ্ট অভিনেতা অৰুণ হাজৰিকাই কয় যে, অসম চৰকাৰে জাপি দিয়া এই জাতিধ্বংসী আইনখন অসমীয়াই কেতিয়াও মানি নলয় ৷ লগতে এইবাৰ মাঘ বিহুত সকলো ৰাইজকে জুঁইত ‘কা আমি নামানো’ বুলি লিখি জ্বলাই দিবলৈ আহ্বান জনায় অভিনেতাগৰাকীয়ে ৷ উল্লেখ্য যে, এই প্ৰতিবাদী কাৰ্যসূচীতে অৰুণ হাজৰিকাই কৰি এটি পেৰদী গীতৰ জৰিয়তে আইনখনৰ বিৰোধীতা কৰে ৷
লগতে পঢ়ক-শ্বহীদ ন্যাসত আছুৰ সংবাদমেল
