গোৱালপাৰা , 14 মে' : গোৱালপাৰা জিলাৰ ৰংজুলিৰ কুচধোৱাত সংঘটিত হৈছে এক ভয়ংকৰ পথ দুৰ্ঘটনা ৷ তীব্ৰবেগী গ্ৰেণ্ড আই টেন বাহনে নিয়ন্ত্ৰণ হেৰুৱাই গছত খুন্দা মৰাৰ ফলত থিতাতে নিহত হয় চালক তথা গ্ৰেণ্ড আই টেনৰ গৰাকী আদিত্য কছাৰী আৰু আনজন আৰোহী লাচিত খাখলাৰী ৷ দুৰ্ঘটনাগ্ৰস্ত আই টেন খনৰ নম্বৰ as- ০1-du- ৮৫৫৯ বুলি জানিব পৰা গৈছে ৷
ঘটনাস্থলীত উপস্থিত হৈ দৰংগিৰি আৰক্ষীয়ে বাহনৰ পৰা উদ্ধাৰ কৰিছে মৃতদেহ দুটা ৷ বহু সময় ধৰি বাহনখনত আবদ্ধ হৈ আছিল মৃত আদিত্য কছাৰী আৰু লাচিত খাখলাৰীৰ মৃতদেহ ৷ বাহনখনত থকা আন তিনিজন যাত্ৰী সামান্য পৰিমানে আঘাতপ্ৰাপ্ত হয় । ইতিমধ্যে মৃতদেহ দুটা থানালৈ আনিছে আৰক্ষীয়ে ৷
লগতে পঢ়ক : সৰুক্ষেত্ৰীত দৰিদ্ৰপৰিয়ালক খাদ্য সামগ্ৰী বিতৰণ ৰাইজৰ দলৰ
