ডিমা হাছাও, 3 জুন : লামডিং-শিলচৰ ব্ৰডগজ ৰেলপথৰ একাধিক স্থানত ভয়ংকৰ ভূমিস্খলন ঘটি বন্ধ হৈ পৰিছে ৰে'ল চলাচল ৷ মঙলবাৰে ভূমিস্খলনৰ বাবে কালি মুপা আৰু মাইবাঙ অঞ্চলত অনিৰ্দিষ্টকালৰ বাবে ৰে'ল চলাচল স্থগিত কৰিব লগা হৈছিল ৷ বুধবাৰে পুনৰ লামডিং-শিলচৰ ব্ৰডগজ ৰেলপথৰ ফাইডিং আৰু দাওটুহাজা ষ্টেচনৰ মধ্যৱৰ্তী 75 কিলোমিটাৰ অংশত বৰুষণৰ ফলত ভয়ংকৰ ভূমিস্খলন হৈ ৰেল লাইনত ব্যাপক ক্ষতিগ্ৰস্ত হয় । ইয়াৰ লগতে মাইগ্ৰেনদিচাত ভূমিস্খলন ফলত ৰে'ল লাইনৰ যোগাযোগ বিচ্ছিন্ন হৈ পৰে ৷
ইপিনে মুপা মাইবাং ফাইডিং দাওটুহাজা বা মাইগ্ৰেদিচা নহয় লামডিং-শিলচৰ ব্ৰডগজ ৰেলপথৰ বিভিন্ন ঠাইত ভূমিস্খলনৰ ফলত ৰে'ল চলাচল সম্পূৰ্ণ বন্ধ হৈ পৰিব বুলি উত্তৰ-পূব সীমান্ত ৰে'লৱে জানিব দিয়ে। লামডিং-শিলচৰ ৰেলপথটো যাতায়তৰ বাবে সূচল কৰি তুলিবলৈ প্ৰায় 7 দিন সময় লাগিব বুলি উত্তৰ-পূব সীমান্ত ৰে'ল সূত্ৰই জানিবলৈ দিয়ে ।
লগতে পঢ়ক : স্খলিত মানৱতা আৰু এজনী গৰ্ভাৱতী হাতীৰ অপমৃত্যু !
