টিংখাং, 12 ফেব্ৰুৱাৰীঃ টিংখাঙত শিক্ষকৰ বিৰুদ্ধে বিদ্যালয়তে ছাত্ৰীক যৌন নিৰ্যাতনৰ গুৰুতৰ অভিযোগ ৷ অভিযুক্ত শিক্ষকক কাণতলীয়া চৰ শোধালে উত্তেজিত ৰাইজে । উল্লেখ্য যে, টিংখাঙৰ সাপকাইট নিম্ন প্ৰাথমিক বিদ্যালয়ৰ সহকাৰী শিক্ষক দীলিপ দত্ত নামৰ শিক্ষকজনে বিদ্যালয়ত চলি থকা বাৰ্ষিক ক্ৰীড়া সপ্তাহৰ মাজতে এগৰাকী কণমানি ছাত্ৰীৰ ওপৰত যৌন নিৰ্যাতনৰ চেষ্টা চলায় ৷ কিশোৰীগৰাকীয়ে বিদ্যালয়ৰ পৰা নিজৰ ভগ্নীক ঘৰলৈ নিবলৈ অহাৰ সময়তেই নিৰ্যাতন চলোৱাৰ অভিযোগ শিক্ষক দীলিপ দত্তৰ বিৰুদ্ধে ৷
উক্ত ঘটনাক কেন্দ্ৰ কৰি বিদ্যালয়খনৰ চৌহদত বুধবাৰে বিভিন্ন দল সংগঠনৰ উপস্থিতিত এখন ৰাজহুৱা সভা অনুষ্ঠিত কৰা হয় ৷ সভাৰ মাজতে সৃষ্টি হয় তীব্ৰ উত্তেজনা ৷ পৰৱৰ্তী সময়ত দল সংগঠনৰ বিষয়ববীয়া সকলে অভিযুক্ত শিক্ষক জনক টিংখাং থানালৈ লৈ যায় আৰু তেখেতৰ বিৰুদ্ধে ছাত্ৰীক যৌন নিৰ্যাতনৰ ওপৰত গোচৰ ৰুজু কৰে ৷ আনহাতে, এই সমগ্ৰ ঘটনাক অস্বীকাৰ কৰে অভিযুক্ত শিক্ষক দীলিপ দত্তই ৷
লগতে পঢ়ক-এডভান্টেজ অসমৰ চমকঃ বাইহাটাত একেদিনাই 1 হাজাৰ শ্ৰমিকক চাটাই