মৰাণ, 11 মে’ : অসম আৰক্ষীলৈ ৰাষ্ট্ৰপতিৰ নিচান প্ৰদানৰ খবৰটো আছিল প্ৰতিগৰাকী আৰক্ষী বিষয়া, কনিষ্টবল আৰু অসমৰ ৰাইজৰ বাবে আনন্দদায়ক বতৰা ৷ মঙলবাৰে নেহৰু ষ্টেডিয়ামত কেন্দ্ৰীয় গৃহমন্ত্ৰী অমিত শ্বাহে আনুষ্ঠানিকভাৱে অসম আৰক্ষীক প্ৰদান কৰিলে ৰাষ্ট্ৰপতিৰ নিচান(President's Colour Award to Assam police) ৷
ইয়াৰ পাছতে ৰাজ্যৰ বিভিন্ন প্ৰান্তৰ দৰে মৰাণতো আৰক্ষী থানাসমূহত দেখিবলৈ পোৱা গৈছে উখল-মাখল পৰিৱেশ ৷ ডিব্ৰুগড় জিলাৰ মৰাণ আৰক্ষী থানাখনো এই পৰিপ্ৰেক্ষিতত নানা ৰঙীন লাইটেৰে পোহৰাই তোলা হয় ৷
আনহাতে, আৰক্ষীৰ চক্ৰ পৰিদৰ্শক বিষয়া সিদ্ধেশ্বৰ বড়োৱে এই বিষয়ে কয় যে, "আজিৰ দিনটো কেৱল অসম আৰক্ষীৰ বাবেই নহয় অসমৰ ৰাইজৰ বাবে এটা সোণালী দিন । আজিৰ দিনটো ইতিহাসৰ পাতত সোণালী আখৰেৰে লিখা থাকিব ৷
লগতে চাওক: গৃহমন্ত্ৰী অমিত শ্বাহে অসম আৰক্ষীক প্ৰদান কৰিলে দেশৰ সন্মানীয় ৰাষ্ট্ৰপতিৰ নিচান
