মৰাণ,২২ মে': প্ৰাক্তন মুখ্যমন্ত্ৰী সৰ্বানন্দ সোণোৱালৰ গৃহ জিলাত আপৰ বিশাল যোগদান কাৰ্যসূচী । যুৱনেতা মনোজ ধানোৱাৰৰ সবল নেতৃত্বত দেওবাৰে লাহোৱালৰ মটক খেলপথাৰত পাঁচ সহস্ৰাধিক লোকে AAPত যোগদান কৰে(AAP joining programme at Dibrugarh) । শাসকীয় দল বিজেপিকে ধৰি কংগ্ৰেছ, এজেপি আদি ৰাজনৈতিক দলৰ নেতা-কৰ্মীয়ে যোগদান কৰে আপত ।
উল্লেখ্য যে, কিছুদিনৰ পূৰ্বে কংগ্ৰেছ দল ত্যাগ কৰি আপত যোগদান কৰা মনোজ ধানোৱাৰৰ নেতৃত্বত ডিব্ৰুগড়ত ক্ৰমে শক্তিশালী হৈছে AAP । ইতিমধ্যে ডিব্ৰুগড় জিলাৰ প্ৰতিটো অঞ্চলতে নিজৰ সংগঠন সক্ৰিয় কৰা চেষ্টা চলাইছে মনোজ ধানোৱাৰে । AAPৰ ৰাজ্যিক তত্বাবধায়ক ৰাজেশ শৰ্মা, যুটীয়া সমন্বয়ক লক্ষ্মীকান্ত ডুবেৰ লগতে মহিলা মৰ্চাৰ যুটীয়া সমন্বয়ক অনামিকা দাস আদিকে ধৰি ৰাজ্যিক পৰ্যায়ৰ নেতৃত্বৰ উপস্থিতিত দেওবাৰে পাঁচ হাজাৰ নাগৰিকে AAPত যোগদান কৰে ।
লাহোৱালৰ বিজেপিৰ কিষাণ মৰ্চাৰ সভাপতি মাধূৰ্য চাংমাই, জিলা যুৱ কংগ্ৰেছৰ প্ৰাক্তন সভাপতি মিৰাজ খান,অসম জাতীয় পৰিষদৰ জিলাৰ সাংগঠনিক সম্পাদক পবিত্ৰ বৰুৱাকে ধৰি কেইবাটাও জনগোষ্ঠীয় সংগঠনে দেওবাৰে আনুষ্ঠানিকভাৱে AAPত যোগদান কৰে । ইয়াৰ দ্বাৰা আপৰ শক্তি ডিব্ৰুগড়ত আপৰ শক্তি যথেষ্ট বৃদ্ধি হোৱা পৰিলক্ষিত হয় ।
লগতে পঢ়ক: তিনি সপ্তাহৰ অন্তত উন্নত হৈছে গুৱাহাটী বিশ্ববিদ্যালয়ৰ বান পৰিস্থিতি
