পশ্চিম বিলাসীপাৰা,18জানুৱাৰী:ৰূপকোঁৱৰ জ্যোতিপ্ৰসাদ আগৰৱালাক সুঁৱৰি দেওবাৰে বিলাসীপাৰত আয়োজন কৰা হয় শিল্পী দিৱস ৷ বিলাসীপাৰাস্থিত অগ্নি নিৰ্বাপক বাহিনীৰ কাৰ্যালয়ৰ প্ৰাংগনত ২৭ নং পূব বিলাসীপাৰা সমষ্টিৰ বিধায়ক অশোক কুমাৰ সিংহীৰ উদ্যোগত আয়োজন কৰা হয় শিল্পী দিৱস ৷ ইপিনে শিল্পী দিৱসৰ লগত সংগতি ৰাখি বিধায়ক অশোক কুমাৰ সিংহীৰ উদ্যোগত আয়োজিত অনুষ্ঠানত ৫০ গৰাকী শিল্পীক সম্বৰ্ধনা জ্ঞাপন কৰা হয় ৷ শিল্পী সকলক আৰু অধিক উৎসাহিত কৰিবলৈ গ্ৰহণ কৰা এই সম্বৰ্ধনাত আছিল একোখনকৈ ফুলাম গামোচা,চেলেং চাদৰ আৰু মানপত্ৰ ৷
আনহাতে,বিধায়ক অশোক কুমাৰ সিংহীৰ লগতে শিল্পী দিৱসৰ কাৰ্যসূচীক অংশগ্ৰহণ কৰে ধুবুৰী জিলাৰ অতিৰিক্ত উপায়ুক্ত ছৰফৰাজ হক,পূব ধুবুৰী জিলা বিজেপিৰ নেতা দীপক সাহা,শিক্ষাবিদ হৃদয়ানন্দ দাস আৰু পৰিতোষ ঘোষ ৷ বিধায়কগৰাকীৰ এনে পদক্ষেপক উপস্থিত অতিথিসকলৰ লগতে সম্বৰ্ধনা প্ৰাপ্ত শিল্পী সকলে প্ৰশংসা কৰে ৷
লগতে পঢ়কঃ সমন্বয়ৰ পীঠস্থান শ্ৰী শ্ৰী আলিপুখুৰী পাতেকীবড়ী থান
