ETV Bharat / state

নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছৰ প্ৰতিষ্ঠা দিৱস - Nimas Dirang

author img

By ETV Bharat Assamese Team

Published : May 30, 2024, 10:30 PM IST

Adventure Sports : নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছৰ 11 সংখ্যক প্ৰতিষ্ঠা দিৱস পালন ৷ বিগত এটা দশক ধৰি প্ৰতিষ্ঠানটোৱে প্ৰশিক্ষণ, দুঃসাহসিক ক্ৰীড়াৰ অন্বেষণৰ ক্ষেত্ৰত এক অগ্ৰণী ভূমিকা গ্ৰহণ কৰি আহিছে ৷

NIMAS DIRANG
মাউণ্টেইনিং এণ্ড এডভেঞ্চাৰ স্প’ৰ্টছৰ প্ৰতিষ্ঠা দিৱস (ETV BHARAT ASSAM)

তেজপুৰ, 30 মে' : পশ্চিম অৰুণাচল প্ৰদেশৰ ডিৰাঙত অৱস্থিত একমাত্ৰ দুঃসাহসিক ক্ৰীড়াৰ প্ৰশিক্ষণ কেন্দ্ৰ 'নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছ'এ বৃহস্পতিবাৰে 11 সংখ্যক প্ৰতিষ্ঠা দিৱস উদযাপন কৰে ৷ বিগত এটা দশক ধৰি প্ৰতিষ্ঠানটোৱে প্ৰশিক্ষণ, দুঃসাহসিক ক্ৰীড়াৰ অন্বেষণৰ ক্ষেত্ৰত এক অগ্ৰণী ভূমিকা গ্ৰহণ কৰি আহিছে ৷

NIMAS DIRANG
দুঃসাহসিক ক্ৰীড়াৰ প্ৰশিক্ষণ কেন্দ্ৰ (ETV BHARAT ASSAM)

অনুষ্ঠানৰ আৰম্ভণিতে ডিৰাঙৰ স্থানীয় লোক আৰু প্ৰতিষ্ঠানটোৰ ছাত্ৰ-ছাত্ৰীৰ উপস্থিতিত সঞ্চালক কৰ্ণেল ৰণবীৰ সিং জামৱালে ভাষণত প্ৰতিষ্ঠানটোৰ উল্লেখযোগ্য কৃতিত্ব আৰু প্ৰতিভাৱান দলটোৰ নিষ্ঠাৰ ওপৰত প্ৰশংসা কৰে ৷ কৰ্ণেল জামৱালে দুঃসাহসিক ক্ৰীড়া আৰু পৰ্বতাৰোহণৰ প্ৰসাৰৰ লগতে অন্বেষণ আৰু স্থিতিস্থাপকতাৰ মনোভাৱ গঢ়ি তোলাৰ ক্ষেত্ৰত প্ৰতিষ্ঠানটোৰ প্ৰতিশ্ৰুতিৰ ওপৰত গুৰুত্ব আৰোপ কৰে ৷

NIMAS DIRANG
নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছৰ প্ৰতিষ্ঠা দিৱস উদযাপন (ETV BHARAT ASSAM)

তেওঁ কয় যে নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছে ইয়াৰ কৌশলগত ক্ৰীড়াৰ দ্বাৰা লক্ষ্য আৰু ভৱিষ্যতৰ প্ৰকল্পসমূহৰ ৰূপৰেখা দাঙি ধৰিছে ৷ ইয়াৰ লক্ষ্য হৈছে প্ৰশিক্ষণ কাৰ্যসূচীৰ সম্প্ৰসাৰণ, আন্তঃৰাষ্ট্ৰীয় সহযোগিতাক অগ্ৰাধিকাৰ দিয়া আৰু বহনক্ষম দুঃসাহসিক পৰ্যটনক প্ৰসাৰ কৰা ৷ সঞ্চালকগৰাকীয়ে ভাৰতৰ ভিতৰত এখন প্ৰতিষ্ঠিত বিশ্ববিদ্যালয় হিচাপে নিজৰ স্থিতি আৰু অধিক শক্তিশালী কৰাৰ লগতে ব্যক্তিগত প্ৰশিক্ষণ বৃদ্ধি আৰু পৰিৱেশ পৰিচালনাত অৰিহণা যোগোৱাৰ বাবে প্ৰতিষ্ঠানটোৰ দীৰ্ঘম্যাদী দৃষ্টিভংগীৰ বিষয়ে আলোকপাত কৰে ৷

NIMAS DIRANG
নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছৰ প্ৰতিষ্ঠা দিৱস (ETV BHARAT ASSAM)

সঞ্চালকগৰাকীয়ে প্ৰতিষ্ঠানটোৰ সফলতাত সহায় কৰা কৰ্মচাৰী, প্ৰশিক্ষক আৰু প্ৰশিক্ষাৰ্থীসকলক আন্তৰিক কৃতজ্ঞতা জ্ঞাপন কৰে ৷ প্ৰতিষ্ঠানটোৰ অভিযানত অবিৰত সহায় আৰু বিনিয়োগৰ বাবে চৰকাৰী সংস্থা আৰু স্থানীয় জনগোষ্ঠীসমূহক বিশেষ ধন্যবাদ জনায় ৷ এই 11 সংখ্যক প্ৰতিষ্ঠা দিৱস উদযাপনৰ সামৰণিত প্ৰতিষ্ঠানটোৰ পদক্ষেপসমূহত অবিৰত সমৰ্থন আৰু অংশগ্ৰহণৰ বাবে নতুন প্ৰজন্মৰ ক্ৰীড়াবিদ সকলক আহ্বান জনাই সঞ্চালকে সকলোকে নেচনেল ইনষ্টিটিউট অৱ মাউণ্টেইনিং এণ্ড এডভেঞ্চাৰ স্প’ৰ্টছৰ সৈতে জড়িত হ’বলৈ কয় ৷ লগতে ইয়াৰ কাৰ্যসূচীসমূহক সমৰ্থন কৰিবলৈ আৰু দুঃসাহসিক ক্ৰীড়া, নিৰাপদ আৰু বহনক্ষম ভৱিষ্যতৰ দিশত একেলগে কাম কৰিবলৈ আহ্বান জনায় ৷

লগতে পঢ়ক : প্লাষ্টিকমুক্ত ব্ৰহ্মপুত্ৰ গঢ়াৰ লক্ষ্য ডিব্ৰুগড়ৰ ধীৰাজ বিকাশ গগৈৰ - Plastic Free Brahmaputra

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.