ধুবুৰী, ৪ মে': কৰ'ণা ভাইৰাছ সংক্রমনৰ প্ৰতিৰোধৰ ক্ষেত্ৰত চৰকাৰে কৰি আহিছে অহৰহ প্ৰচেষ্টা । এই ক্ষেত্ৰত পিছ পৰি থকা নাই মানকাচৰ আৰক্ষী । বৃহত্তৰ মানকাচৰ আৰক্ষী থানাত আৰক্ষী, চি আৰ পি এফ আৰু সৰ্ব সাধাৰণ ৰাইজৰ সুবিধাৰ্থে মানকাচৰ আৰক্ষী থানাৰ ভাৰপ্ৰাপ্ত আৰক্ষী বিষয়া বিনোদ দাসে নিজাববীয়াকৈ ছেনিটাইজিং মেচিন ক্ৰয় কৰি আৰক্ষী চি আৰ পি এফ আৰু সৰ্ব সাধাৰণ ৰাইজক কৰ'ণা সংক্ৰমণৰ পৰা প্ৰতিহত কৰাৰ বাবে এই পদক্ষেপ গ্ৰহণ কৰে ।
সোমবাৰে মানকাচৰৰ বিশিষ্ট সমাজ কৰ্মী আশ্ৰাফ আলীয়ে মানকাচৰ আৰক্ষী থানা চৌহদত স্থাপন কৰা ছেনিটাইজিং মেচিনটো আনুষ্ঠানিকভাৱে উদ্বোধন কৰে । উদ্বোধনী অনুষ্ঠানত সংবাদ কৰ্মীৰ লগতে একাংশ সচেতন ব্যক্তি আৰু দক্ষিণ শালমাৰা মানকাচৰ জিলাৰ আৰক্ষী বিভাগৰ বিষয়াৰ লগতে চক্ৰ বিষয়া উপস্থিত থাকে ।
