ধুবুৰী, 6 ছেপ্তেম্বৰ : ধুবুৰীৰ বাহিৰ শালমাৰা অঞ্চলত বৰ্তমানেও অব্যাহত আছে ভয়ংকৰ গৰাখহনীয়া । জিলাখনৰ টিপকাই, গৌৰাং আৰু ব্ৰহ্মপুত্ৰৰ ভয়ংকৰ খহনীয়াই নিদ্ৰা হৰণ কৰিছে বাহিৰ শালমাৰাৰ 5 ম খণ্ড গাঁৱৰ লগতে ঈদগাহ, ময়দান, কবৰস্থান, বিদ্যালয়কে আদি কৰি এক বৃহত্তৰ অঞ্চল ।
আনহাতে, বিগত সময়ৰ পৰাই অঞ্চলবাসী ৰাইজে গৰাখহনীয়া সমস্যাৰ স্থায়ী সমাধানৰ বাবে জনপ্ৰতিনিধিক বাৰাম্বাৰ অনুৰোধ কৰাৰ পিচতো কোনো ধৰণৰ ব্যবস্থা গ্ৰহণ নকৰাৰ অভিযোগ ৰাইজৰ ৷ যাৰবাবে দেওবাৰে চৰকাৰলৈ বাট নাচাই অঞ্চলবাসী ৰাইজে গাঁওবাসীৰ পৰা বাঁহ সংগ্ৰহ কৰি সমূহীয়াভাবে বাঁহৰ বেৰ দি খহনীয়া প্ৰতিৰোধৰ ব্যবস্থা কৰিবলৈ আগবাঢ়ি আহিছে ৷
ইফালে, ভুক্তভোগী ৰাইজে অতিশীঘ্ৰে তেওঁলোকৰ সমস্যাৰ স্থায়ী সমাধান নকৰিলে আগন্তক বিধানসভা নিৰ্বাচনত ভোট বৰ্জনৰ হুংকাৰ প্ৰদান কৰিছে ভুক্তভোগী ৰাইজে ৷
লগতে পঢ়ক : ধুবুৰীত ড্ৰাগছ সহ এজনক গ্ৰেপ্তাৰ
