দলগাঁও,11 ডিচেম্বৰ: খাৰুপেটীয়া আৰক্ষীৰ জালত হাচমত আলীৰ 8 জনকৈ হত্যাকাৰী ৷ খাৰুপেটীয়াৰ আৰিমাৰিত ৩০ নবেম্বৰত দুৰ্বৃত্তৰ আক্ৰমণত নিহত হৈছিল হাচমত আলী নামৰ এজন কৃষকৰ লগতে গুৰুতৰ ভাৱে আহত হৈছিল দুগৰাকীকৈ মহিলা ৷ এই ঘটনাৰ পাছতে ১ ডিচেম্বৰত হাচমত আলীৰ পৰিয়ালে খাৰুপেটীয়া থানাৰ আৰক্ষী থানাত ৰুজু কৰিছিল গোচৰ ৷
গোচৰ ৰুজু কৰাৰ পৰাই খাৰুপেটীয়া থানাৰ আৰক্ষী বিষয়া মন্টু বৰাৰ নেতৃত্বত আৰক্ষীৰ এটা দলে বৰ্বৰ আক্ৰমণৰ লগত জড়িত ব্যক্তিৰ বিৰুদ্ধে আৰম্ভ কৰিছিল তদন্ত ৷ শুকুৰবাৰে আৰক্ষীৰ তদন্তত ঘটনাৰ লগত জড়িত আঠ গৰাকীকৈ লোকক গ্ৰেপ্তাৰ কৰি জেল হাজোতলৈ প্ৰেৰণ কৰে খাৰুপেটীয়া আৰক্ষীয়ে ৷ গ্ৰেপ্তাৰ কৰা লোক কেইজনৰ নাম হৈছে কদম আলী, হুছেইন আলী, আবিজুদ্দিন, ৰহিম আলী, তমচেৰ আলী, মহিম আলী, আফচৰ আলী আৰু খজিৰ আলী ৷
ঘটনাৰ বিৱৰণি মতে, আৰিমাৰিত গাঁৱৰ আক্কাচ আলীৰ পথাৰৰ পকা ধান হুছেইন আলিয়ে কাটিবলৈ যোৱাত বাধা প্ৰদান কৰিছিল আক্কাচ আলীয়ে ৷ কিন্তু হুছেইন আলী নেতৃত্বত যোৱা ২০-২৫ জনীয়া এটা দলে ৰ'ড, লাঠি আদিৰে সু সজ্জিত হৈ জোৰ জাৱৰদস্তি ধান কাটি আক্ৰমণ কৰিছিল আক্কাচ আলীৰ লগতে পুত্ৰ হাছমত আলি (৩২) আৰু বোৱাৰী মচিলা খাতুনক ৷ গুৰুতৰ ভাৱে আহত হোৱা তিনিও গৰাকীকে সংকটজনক অৱস্থাত জি এম চি এইচ লৈ প্ৰেৰণ কৰা হৈছিল যদিও হাছমত আলীৰ মৃত্যু হয় ৷
লগতে পঢ়ক: যোৰহাটত একাংশ শৈল চিকিৎসকৰ অৱস্থান ধৰ্মঘট
