বঙাইগাঁও,24 জানুৱাৰীঃ বঙাইগাঁও চহৰৰ মাজমজিয়াত অৱস্থিত আৰোগ্য হাস্পতাল এণ্ড ৰিছাৰ্চ চেন্টাৰত সংঘটিত হৈছে ভয়ংকৰ ঘটনা ৷ চিকিৎসাৰ নামত ব্যৱসায় চলোৱাৰ অভিযোগ হাস্পতাল কতৃপক্ষৰ বিৰুদ্ধে ৷ উল্লেখ্য যে, বৃহস্পতিবাৰে ধুবুৰী জিলাৰ সাপটগ্ৰামৰ পৰিয়াল এটাই নিজৰ অসুস্থ ডেৰমহীয়া শিশুটিক ভৰ্তি কৰায় চিকিৎসালয়খনত ৷ চিকিৎসালয় কতৃপক্ষই ততাতৈয়াকৈ শিশুটিক আইচিইউত ৰখাৰ ব্যৱস্থা কৰে যদিও চিকিৎসকৰ অভাৱত নিশা ন মান বজাতহে শিশুটোৰ চিকিৎসা আৰম্ভ কৰে ৷ আনহাতে শুকুৰবাৰে পুৱাৰ ভাগতে চিকিৎসকগৰাকী গুৱাহাটীলৈ যোৱাত উন্নত চিকিৎসাৰ অভাৱত মৃত্যু হয় শিশুটিৰ ৷
শিশুটিৰ অভিভাৱকে কি বিভাগৰ চিকিৎসক বুলি সোধা প্ৰশ্নত পলাবলৈ চেষ্টা কৰে ব্যক্তিগৰাকীয়ে ৷ আনহাতে, শিশুটিৰ পিতৃক চিকিৎসালয়ৰ চিকিউৰিটিয়ে শাৰীৰিক ভাৱে অপদস্ত কৰাৰো অভিযোগ উত্থাপন হৈছে ৷
লগতে পঢ়ক-বিজেপিৰ মুখপাত্ৰ মমিনুল আৱালৰ বিৰুদ্ধে সৰৱ ধিঙৰ এ আই ইউ ডি এফৰ নেতা কৰ্মী
