বৰপেটা, 1 মাৰ্চ : বৰপেটাত ধৰ্মীয় অনুষ্ঠানত চুৰিকাণ্ডৰ সৈতে জড়িত চোৰৰ গেঙক অৱশেষত আটক কৰিলে আৰক্ষীয়ে (Two thief caught at Barpeta) ৷ আৰক্ষীৰ হাতত গ্ৰেপ্তাৰ দুই গভাইত চোৰ(Two thief arrrested in Barpeta) ৷ ধৃত চোৰ দুটাৰ নাম দ্বীজেন দাস আৰু নিকু ভৰালী বুলি জানিব পৰা গৈছে ৷ অৱশ্যে অধিক তদন্তৰ বাবে দ্বীজেন দাসক জেৰা অব্যাহত ৰাখিছে আৰক্ষীয়ে ৷
বৰপেটা সদৰ থানাৰ ভাৰপ্ৰাপ্ত বিষয়াই সংবাদ মাধ্যমযোগে জানিবলৈ দিয়া মতে, বৰপেটাৰ প্ৰায়বোৰ ধৰ্মীয় অনুষ্ঠানত সংঘটিত চুৰিকাৰ্যৰ সৈতে জড়িত হৈ আছিল এটি চাৰিজনীয়া চোৰৰ দল ৷ ইতিমধ্যে আৰক্ষীয়ে চোৰ দুটাৰ পৰা মন্দিৰৰ ৰূপৰ ফুল আৰু মন্দিৰত ব্যৱহৃত কাঁহৰ সামগ্ৰী উদ্ধাৰ কৰিবলৈ সক্ষম হৈছে ৷
সম্প্ৰতি চোৰৰ গেঙটোক সম্পূৰ্ণৰূপে উৎখাত কৰিবলৈ অভিযান অব্যাহত ৰখা বুলি জানিবলৈ দিয়ে বৰপেটাৰ সদৰ থানাৰ ভাৰপ্ৰাপ্ত আৰক্ষী বিষয়া ৰঞ্জন দলে ৷
লগতে পঢ়ক : Attack by Drug addicts: ৰূপহীহাটত ড্ৰাগছ সেৱনকাৰীৰ তাণ্ডৱ
