বৰপেটা, ২২ জুলাই : বছৰৰ দ্বিতীয়টো বানত (Flood in Assam 2022) ৰাজ্যৰ ভিন্ন প্ৰান্তৰ লেখিয়াকৈ বৰপেটাৰ প্ৰায় আঢ়ৈ হাজাৰ ঘৰ বিনষ্ট হৈছে ৷ এই বানত হোৱা ক্ষয় ক্ষতিৰ বুজ ল’বলৈ শুকুৰবাৰে বৰপেটাত উপস্থিত হয় মন্ত্ৰী ডাঃ ৰণোজ পেগু (Ranoj Pegu in Barpeta)৷ এই বানৰ ফলত জিলাখনত হোৱা ক্ষয় ক্ষতিৰ সন্দৰ্ভত মন্ত্ৰীগৰাকীয়ে জিলা প্ৰশাসনৰ বিষয়াসকলৰ সৈতে এখনি বৈঠকত মিলিত হয় (Review meeting on damage caused by floods) ৷
মন্ত্ৰীগৰাকীয়ে উল্লেখ কৰা অনুসৰি, ৰাজ্যত যিসকল পৰিয়ালৰ ঘৰ-দুৱাৰ বানত আংশিকভাৱে বা সম্পূৰ্ণৰূপে ক্ষতিগ্ৰস্ত হৈছে সেইসকলক চৰকাৰে উপযুক্ত ক্ষতিপুৰণ আদায় দিব (Government will pay compensation) ৷ সেই মতে সম্পূৰ্ণৰূপে বিনষ্ট হোৱা ঘৰৰ বাবদ চৰকাৰৰ তৰফৰ পৰা ৯৫ হাজাৰ টকাৰ ক্ষতিপুৰণ আদায় দিয়া হ’ব ৷
একেদৰে আংশিকভাৱে বিনষ্ট হোৱা পকীঘৰৰ বাবদ ৫ হাজাৰ ২ শ টকা, কেঁচা ঘৰৰ বাবদ ৩ হাজাৰ ২ শ টকা, পঁজা ঘৰ হ’লে ৪ হাজাৰ ২ শ টকা দিয়া হ’ব ৷ আনহাতে, খোলা ঘৰ বা গোঁহালিৰ বাবদ ২২০০ টকা ক্ষতিপুৰণ আদায় দিয়া হ’ব বুলি উল্লেখ কৰে ৷
লগতে বৰপেটা জিলাত ইতিমধ্যে মণ্ডল আৰু গাঁওবুঢ়াসকলৰ প্ৰতিবেদনৰ ভিত্তিত ৰাজহ বিভাগে যুগুত কৰি উলিওৱা ক্ষতিগ্ৰস্ত ঘৰৰ তালিকাৰ পুনৰীক্ষণৰ কাম আৰম্ভ কৰাৰ কথাও সদৰি কৰে মন্ত্ৰীগৰাকীয়ে ৷ আনকি মন্ত্ৰীগৰাকীয়ে শিক্ষা বিভাগৰ লোকে ক্ষতিগ্ৰস্ত ঘৰসমূহৰ চৰজমিন তদন্ত কৰি দাখিল কৰা প্ৰতিবেদনৰ পিচতেই শীঘ্ৰেই ক্ষতিপূৰণ আদায় দিয়া হ’ব বুলি সদৰি কৰে ৷
লগতে পঢ়ক : Flood at Rangia again: হুৰহুৰাই বাঢ়িছে ৰঙিয়াৰ পুঠিমাৰী নৈৰ পানী
