জনীয়া,20 ফেব্ৰুৱাৰী: বাংলাদেশৰ ছবি জগতৰ আগশাৰীৰ অভিনেত্ৰী অপু বিশ্বাসে ২০১৯ বৰ্ষৰ ২০ অক্টোবৰত বৰপেটাৰ হালবাৰীৰ চাউলিয়াবাৰীত আয়োজিত এক অনুষ্ঠানত নৃত্য পৰিৱেশন কৰিবলৈ আহি আপোনালোক সকলো বাংলাদেশৰ বাঙালী বুলি এক বিস্ফোৰক মন্তব্য কৰিছিল ৷ তাৰ পিছতেই বৰপেটাবাসীক বাংলাদেশী বুলি কোৱাত জাঙুৰ খাই উঠিছিল বৰপেটা জিলাৰ বিভিন্ন দল-সংগঠনৰ লগতে আমছু । ভৱিষ্যতে বৰপেটা জিলাত বাংলাদেশী শিল্পী আনি অনুষ্ঠান নকৰিবলৈ সকীয়নীও দিছিল আমছুৱে।
ইয়াৰ মাজতে পুনৰ একাংশ লোকে অহা ২১ ফেব্ৰুৱাৰীত বৰপেটা জিলাৰ সৰভোগৰ জামাদাৰবৰীলৈ নিমন্ত্ৰণ জনাইছে অভিনেত্ৰী গৰাকীক ৷ ইফালে অহা ২১ ফেব্ৰুৱাৰীত হ’বলগীয়া অপু বিশ্বাসৰ অনুষ্ঠানক লৈ আমছুৰ নৱ নিৰ্বাচিত সহকাৰী সম্পাদক লুতফৰ ৰহমানে তীব্ৰ প্ৰতিক্ৰিয়া প্ৰকাশ কৰে।
লগতে পঢ়কঃ আলফাৰ নতুন বিবৃতি পিচতে বীৰ লাচিত সেনাৰ প্ৰতিক্ৰিয়া
