স্পৰ্টছ ডেস্ক, 29মে': ভাৰতীয় ক্ৰীড়া প্ৰেমীলৈ আহিছে আন এটা দুঃখবৰ । কৰ'ণা ভাইৰাছ মহামাৰীৰ বাবেই বৃহস্পতিবাৰে 36 সংখ্যক গোৱা নেশ্যনেল গেমছ স্থগিত কৰাৰ ঘোষণা গোৱা চৰকাৰৰ ।
COVID-১৯ মহামাৰীৰ ফলতেই নেশ্যনেল গেমছ আয়োজক কমিটিয়ে 36 সংখ্যক নেশ্যনেল গেমছ স্থগিত কৰাৰ সিদ্ধান্ত গ্ৰহণ কৰিছে বুলি এক বিবৃত্তি প্ৰদান কৰি জানিবলৈ দিয়ে গোৱাৰ উপ মুখ্য়মন্ত্ৰী আৰু ক্ৰীড়া মন্ত্ৰী মনহোৰ আজগাঁওকাৰে ।
উল্লেখ্য় যে, প্ৰতিযোগিতাৰ পৰৱৰ্তী সময়সূচী সন্দৰ্ভত চলিত বৰ্ষৰ ছেপ্তেম্বৰ মাহত বৈঠক অনুষ্ঠিত কৰা হ'ব বুলি উল্লেখ কৰা হৈছে । ইয়াৰ লগতে কেন্দ্ৰীয় ক্ৰীড়া মন্ত্ৰণালয়ক প্ৰতিযোগিতা আয়োজনৰ চাৰি মাহ পূৰ্বে জাননি দিবলৈও ৰাজ্য় চৰকাৰৰ ফালৰ পৰা আহ্বান জনোৱা হৈছে বুলি উল্লেখ কৰে ৰাজ্যিক ক্ৰীড়া মন্ত্ৰীগৰাকীয়ে ।
চলিত বৰ্ষৰ 20 অক্টোবৰৰ পৰা 4 নৱেম্বেৰলৈ অনুষ্ঠিত হোৱাৰ কথা আছিল 36 সংখ্য়ক নেশ্যনেল গেমছ । লক্ষ্যণীয় যে, 35 সংখ্য়ক নেশ্যনেল গেমছ অনুষ্ঠিত হৈছিল 2015 চনত কেৰালাত । কিন্তু 36 সংখ্যক নেশ্যনেল গেমছ 2016 বৰ্ষৰ নৱেম্বৰ মাহত অনুষ্ঠিত হ'ব লাগিছিল যদিও বিভিন্ন কাৰণত ক্ৰমান্বয়ে বিলম্ব হৈ গৈ আছে প্ৰতিযোগিতাখন । প্ৰত্যেক দুবছৰৰ অন্তত অনুষ্ঠিত কৰা হয় নেশ্যনেল গেমছ । 2007 ত গুৱাহাটীত 33 সংখ্য়ক আৰু 2011 ত 34 সংখ্য়ক নেশ্যনেল গেমছ আয়োজন কৰা হৈছিল ।
