স্পৰ্টছ ডেস্ক, 31 ডিচেম্বৰ : নিউজিলেণ্ডৰ অধিনায়ক কেন উইলিয়ামছনে বৃহস্পতিবাৰে আইচিচি পুৰুষ টেষ্ট ৰেংকিঙৰ শীৰ্ষ স্থান দখল কৰিছে ৷ অষ্ট্ৰেলিয়াৰ ষ্টিভ স্মিথ আৰু ভাৰতৰ বিৰাট কোহলীক অতিক্ৰম কৰি শীৰ্ষ স্থান দখল কৰে উইলিয়ামছনে ৷
-
How it started v how it's going 😅 pic.twitter.com/XKyEJUgUAS
— ICC (@ICC) December 31, 2020 " class="align-text-top noRightClick twitterSection" data="
">How it started v how it's going 😅 pic.twitter.com/XKyEJUgUAS
— ICC (@ICC) December 31, 2020How it started v how it's going 😅 pic.twitter.com/XKyEJUgUAS
— ICC (@ICC) December 31, 2020
পাকিস্তানৰ বিৰুদ্ধে প্ৰথম টেষ্টত মেচজয়ী ইনিংছ উপহাৰ দি টেষ্ট ৰেংকিঙত শীৰ্ষ স্থানলৈ উন্নীত হয় উইলিয়ামছন (129 আৰু 21) ৷ চাৰি বছৰৰ পাচত প্ৰথমবাৰৰ বাবে টেষ্ট ৰেংকিঙৰ শীৰ্ষ স্থান স্মিথ আৰু কোহলীৰ পৰিৱৰ্তে অন্য খেলুৱৈয়ে দখল কৰিছে ৷
ৰেড বল ক্ৰিকেটতো 2015 চনত কিছু সময়ৰ বাবে শীৰ্ষ বেটছমেন আছিল উইলিয়ামছন ৷ তেতিয়াৰে পৰাই তালিকাৰ শীৰ্ষ স্থানত আধিপত্য বিস্তাৰ কৰি আহিছিল কোহলী আৰু স্মিথে ৷
2020 চনতো স্মিথে 313 দিনৰ বাবে আৰু কোহলীয়ে 51 দিনৰ বাবে শীৰ্ষ স্থানত অধিষ্ঠিত হৈ আছিল ৷ 2008 চনৰ 19 বছৰ অনুৰ্ধ বিশ্বকাপ ক্ৰিকেটৰ পৰাই প্ৰতিদ্বন্দী কোহলী আৰু স্মিথক অতিক্ৰম কৰি উত্থান ঘটে উইলিয়ামছনৰ ৷
আইচিচিৰ বছৰৰ অন্তিম দিনৰ আপডেটত নিউজিলেণ্ড বনাম পাকিস্তান, অষ্ট্ৰেলিয়া বনাম ভাৰত আৰু শ্ৰীলংকা বনাম দক্ষিণ আফ্ৰিকাৰ প্ৰদৰ্শনকো অন্তৰ্ভূক্ত কৰা হৈছে ৷
লগতে পঢ়ক : সংকটৰ সময়ত ভাৰতে নিজৰ চৰিত্ৰ প্ৰদৰ্শন কৰিলে : ছোৱেইব আখটাৰ
