চিটাৰা ডেস্ক, 14 মাৰ্চ: সংগীত ক্ষেত্ৰখনৰ ভোটাতৰা ভাৰতৰ গৌৰৱ লতা মংগেশকাৰক ব্ৰিটিছ একাডেমী অৱ্ ফিল্ম এণ্ড টেলিভিছন এৱাৰ্ড চমুকৈ বাফ্টা ৰ 2022 সংস্কৰণত শ্ৰদ্ধাঞ্জলি জনোৱা হয় (BAFTA tribute to Lata Mangeshkar) ৷ দেওবাৰে ৰয়েল এলবাৰ্ট হলত অনুষ্ঠিত এই অনুষ্ঠানত লতা মংগেশকাৰক বিশেষ 'দ্য মেম'ৰিয়াম' শাখাত স্থান দিয়া হয় । প’ষ্ট ক’ভিডৰ সমস্যাত ভূগি থকা লতা মংগেশকাৰৰ ৬ জানুৱাৰীত ৯২ বছৰ বয়সত মৃত্যু হয়।
বাফ্টাই লতা মংগেশকাৰক শ্ৰদ্ধাঞ্জলি জ্ঞাপন কৰি তেওঁক সংগীত জগতৰ 'আইকন' বুলি অভিহিত কৰে (BAFTA remembers Lata Mangeshkar) ৷ বাফ্টাই ভাৰতীয় সংগীত জগতৰ নেপথ্য গায়িকা হিচাপে বৰ্ণনা কৰি তেওঁলৈ সন্মান আগবঢ়ায় ৷ লতাদীয়ে 70 বছৰৰ কেৰিয়াৰত 1,000 তকৈও অধিক হিন্দী চলচ্চিত্ৰৰ বাবে আনুমানিক 25,000 গান গাইছিল ।
বাফ্টাই উল্লেখ কৰে যে তেওঁ ১৯৭৪ চনত ৰয়েল এলবাৰ্ট হলত উপস্থিত হোৱা প্ৰথমগৰাকী ভাৰতীয় শিল্পী আছিল । বাফ্টাৰ 'দ্য মেম’ৰিয়াম' শাখাটোৱে অভিনেতা আৰু চলচ্চিত্ৰ নিৰ্মাতা চিডনী পইটিয়াৰ, পৰিচালক ইভান ৰেইটমেন, চিত্ৰগ্ৰহণকাৰী হালিনা হাচিন্স, অভিনেতা মনিকা ৱিটি আৰু চেলী কেলাৰমেনকো শ্ৰদ্ধাঞ্জলি জ্ঞাপন কৰে।
লগতে পঢ়ক: Kajal Aggarwal pregnancy news : স্বামীৰ সৈতে কটোৱা মূহুৰ্তৰ ফটো শ্বেয়াৰ অভিনেত্ৰী কাজলৰ
