চিটাৰা ডেস্ক, 6 অক্টোবৰ : সুস্মিতা সেনে বৃহস্পতিবাৰে তেওঁৰ নতুন আহিবলগীয়া চিৰিজটোৰ পৰা তেওঁৰ লুকটো অনুৰাগীৰে সৈতে শ্বেয়াৰ কৰে ৷ এই চিৰিজটোত এগৰাকী ট্ৰেন্সজেণ্ডাৰ হিচাপে অভিনয় কৰিছে সুস্মিতা সেনে ৷ "Taali" শীৰ্ষক এইখন এখন জীৱনীমূলক নাটক, য’ত সুস্মিতাই এক্টিভিষ্ট গৌৰী সাৱন্তৰ চৰিত্ৰ ৰূপায়ন কৰিব (Sushmita Sen as transgender activist Gauri Sawant ) ।
সমালোচকে প্ৰশংসা কৰা চিৰিজ "Aarya"ৰ জৰিয়তে ডিজিটেল প্লেটফৰ্মত অভিষেক ঘটোৱা সেনে ইনষ্টাগ্ৰামৰ জৰিয়তে অনুৰাগীৰে সৈতে নতুন চিৰিজৰ প্ৰথম লুকটো শ্বেয়াৰ কৰে । ফটোখনত 46 বছৰীয়া অভিনেত্ৰী গৰাকীক কেমেৰাৰ সন্মুখত এক উগ্ৰ আৰু সাহসী প’জত ট্ৰেন্সজেণ্ডাৰ এক্টিভিষ্ট গৌৰী সাৱন্তৰ চৰিত্ৰত দেখা গৈছে । সেনে কয় যে এই ধাৰাবাহিকখনে কিন্নৰ কৰ্মীগৰাকীৰ “সংগ্ৰাম, স্থিতিস্থাপকতা আৰু অদম্য শক্তিৰ কাহিনী” দৰ্শকৰ ওচৰলৈ লৈ যাব ।
"প্ৰত্যাহ্বানৰে ভৰি থকা এই জীৱন যাত্ৰাটো কঢ়িয়াই আনিব পৰাটোত মই গৌৰৱান্বিত আৰু কৃতজ্ঞ ৷ কেৱল বিপ্লৱৰ সাক্ষী হৈ ৰ’লো ! বহুত কাৰণত এইটো বিশেষ আৰু মই Viacom18 ৰ সৈতে জড়িত হ’বলৈ যথেষ্ট উৎসাহী হৈ আছো", প্ৰাক্তন মিছ ইউনিভাৰ্ছ গৰাকীয়ে এটা সাক্ষাৎকাৰত এই বক্তব্য আগবঢ়াই ৷
গণেশ হিচাপে জন্ম গ্ৰহণ কৰা আৰু পুনেত ডাঙৰ দীঘল হোৱা সাৱন্ত 2013 চনত দাখিল কৰা ৰাষ্ট্ৰীয় আইনী সেৱা প্ৰাধিকৰণৰ ( National Legal Services Authority, NALSA) অন্যতম আবেদনকাৰী আছিল, য'ত উচ্চতম ন্যায়ালয়ে 2014 চনত চূড়ান্ত ৰায়ৰ সৈতে ট্ৰেন্সজেণ্ডাৰক তৃতীয় লিংগ হিচাপে স্বীকৃতি দিছিল ।
"Taali" য়ে সাৱন্তৰ গুৰুত্বপূৰ্ণ জীৱনৰ ওপৰত আলোকপাত কৰিব ৷ শৈশৱৰ পৰা আৰম্ভ কৰি তেওঁৰ পৰিৱৰ্তন, ভাৰতত ট্ৰেন্সজেণ্ডাৰ আন্দোলনত বৈপ্লৱিক পৰিৱৰ্তন আনিবলৈ সক্ষম হোৱা তেওঁৰ অৱদানলৈকে সকলো দিশ ই সামৰি লৈছে । ৰাষ্ট্ৰীয় বঁটা বিজয়ী চলচ্চিত্ৰ নিৰ্মাতা ৰবি যাদৱৰ দ্বাৰা পৰিচালিত এই চিৰিজটোটো অৰ্জুন সিংঘ বাৰান, কাৰ্তক ডি নিশান্দাৰ আৰু আফিফা নাদিয়াদৱালাই প্ৰযোজনা কৰিছে ।
লগতে পঢ়ক : ছাজিদ খানকলৈ বিগবছৰ নিৰ্মাতাসকলৰ ওপৰত ক্ষোভ উজাৰিলে উৰ্ফী জাভেদে
