চিটাৰা ডেস্ক, 20 অক্টোবৰ: শ্বাহৰুখ খানৰ কন্যা সুহানা খানে জোয়া আখতাৰৰ পৰিচালনাত নিৰ্মিত মিউজিকেল কমেডী ‘দ্য আৰ্চিজ’ৰ জৰিয়তে বলীউডত আত্মপ্ৰকাশ কৰিব । ছবিখনত অভিনয় কৰিছে খুশী কাপুৰ, বেদাং ৰাইনা, অগস্ত্য নন্দ, মিহিৰ আহুজা, যুৱৰাজ মেণ্ডা আৰু অদিতি ‘ডট’ ছেহগলে । শেহতীয়াকৈ ছবিখনৰ পৰা মুক্তি পোৱা প্ৰথমটো গীত হৈছে ‘সুনোহ’, য’ত সুহানাক স্কেটিং কৰা দেখা গৈছে । কন্যা সুহানাক দেখি তেওঁৰ ছুপাৰষ্টাৰ পিতৃয়েও গীতটোৰ ওপৰত মন্তব্য কৰি নিজৰ মনোভাৱ প্ৰকাশ কৰিছে ।
কন্যাৰ গীত চাই প্ৰতিক্ৰিয়া প্ৰকাশ কৰিলে শ্বাহৰুখ খানে
চলচ্চিত্ৰ জগতত প্ৰৱেশ কৰিবলৈ সাজু হোৱা কন্যা সুহানা খানৰ বাবে ইনষ্টাগ্ৰামত এটা বিশেষ পোষ্ট শ্বেয়াৰ কৰিছে শ্বাহৰুখ খানে । শেহতীয়াকৈ মুক্তি পোৱা ‘সুনোহ’ গীতটোৰ আভাস পোষ্ট কৰি শ্বাহৰুখে লিখিছে, এইটো The Archies জগতৰ এক অতি অনন্য আৰু সুন্দৰ গীত । লগতে আজিৰ বাবে মোৰ প্ৰেৰণা লাইনটো আগবঢ়ালোঁ ।’’
সুহানাক ভিনটেজ লুকত স্কেট কৰা দেখা গৈছে
গীতটোত সুহানা খানক এটা অট্টালিকাত প্ৰৱেশ কৰা দেখা গৈছে, ভিনটেজ লুকত স্কেটত ঘূৰি ফুৰিছে । শ্বাহৰুখেও ইনষ্টাগ্ৰামত পোষ্ট দিওঁতে এটা ধেমেলীয়া মন্তব্য কৰি গীতটি আৰু সুহানাৰ অভিনয়ক প্ৰশংসা কৰে । তেওঁ লিখিছে- এই গীতটো আৰু লুক দুয়োটা মোৰ বৰ ভাল লাগিল বেবী । আপুনি জানেনে যে মোৰ বাহিৰে পৰিয়ালৰ সকলোৱে ৰোলাৰ স্কেটিং কৰিব জানে ?
উল্লেখ্য যে, মুম্বাইত দ্য আৰ্চিজৰ তাৰকা অভিনেতাৰ এক অনুষ্ঠানৰ আয়োজন কৰা হৈছিল । উদীয়মান তাৰকা সুহানা খানে তেওঁৰ আচৰিত ধৰণৰ ড্ৰেছ চয়নেৰে সকলোকে আপ্লুত কৰিছিল । ক’লা ৰঙৰ অফ শ্বোল্ডাৰ ক্ৰছ কাট টপ আৰু মেচিং পেণ্ট পৰিধান কৰিছিল সুহানাই । এই লুকটো ন মেকআপ লুকেৰে সম্পূৰ্ণ কৰিছিল শ্বাহৰুখৰ মৰমৰ কন্যাই ।
লগতে পঢ়ক: Tiger Shroff: ডিঙিত গণেশ বাবাৰ চাদৰ, কপালত তিলক, সিদ্ধিবিনায়ক মন্দিৰত টাইগাৰ শ্ৰফ