চিটাৰা ডেস্ক, 31 মে’: বলীউডৰ খিলাড়ী খ্যাত অভিনেতা অক্ষয় কুমাৰৰ পিৰিয়ড ছবি 'সম্ৰাট পৃথ্বীৰাজ' এই সপ্তাহতেই মুক্তি পাব । এই চলচ্চিত্ৰখনৰ সফলতা কামনা কৰি অক্ষয় কুমাৰে পূজা কৰিবলৈ কাশীৰ গংগাঘাটত উপস্থিত হয়গৈ (Akshay Kumar latest news) ।
অভিনেতাজনৰ সৈতে ছবিখনৰ মুখ্য অভিনেত্ৰী মানুষী চিল্লাৰকো গংগাৰ পাৰত দেখা গৈছিল । ছবিখনৰ তাৰকা, কলা-কুশলীসকলে গংগাঘাটৰ ফটো আৰু ভিডিঅ' ছ’চিয়েল মিডিয়াত শ্বেয়াৰ কৰিছে । অক্ষয় কুমাৰ আৰু মিছ ৱৰ্ল্ড মানুষী চিল্লাৰ অভিনীত 'সম্ৰাট পৃথ্বীৰাজে' ৩ জুনত মুক্তি লাভ কৰিব ।
ছ'চিয়েল মিডিয়াত অক্ষয় কুমাৰে শ্বেয়াৰ কৰা ভিডিঅ'টোত দেখা গৈছে অভিনেতাজনে ঘাটত আৰতি কৰাৰ পিছত গংগাত ডুব মাৰি আহে (Akshay Kumar new movie) । অক্ষয় কুমাৰে এই ভিডিঅ'টো শ্বেয়াৰ কৰি লিখিছে, "হৰ-হৰ মহাদেৱ" ।
সমান্তৰালকৈ মানুষী চিল্লাৰেও কাশীৰ পৰা বহুতো ফটো শ্বেয়াৰ কৰিছে । এই ছবিবোৰ শ্বেয়াৰ কৰি অভিনেত্ৰীগৰাকীয়েও হৰ হৰ মহাদেৱ বুলি শিৰোনাম দিছে (Manushi Chillar instagram) । ছবিবোৰত অক্ষয় আৰু মানুষীক পিচ্ ৰঙৰ পোছাকত দেখা গৈছে ।
এইখন ছবিৰেই মানুষীয়ে বলীউডত আত্মপ্ৰকাশ ঘটাব (Manushi Chillar bollywood debut) । অক্ষয় কুমাৰৰ পূৰ্বৰ ছবি বচ্চন পাণ্ডেয়ে বক্স অফিচত সফলতা লাভ কৰা নাছিল । ইয়াৰ পিছত এতিয়া অক্ষয় কুমাৰে এই নতুন ছবিখনৰ বাবে আশীৰ্বাদ বিচাৰি কাশী পাইছেগৈ (Akshay Kumar new movie) বুলি একাংশই মতপোষণ কৰে ।
- " class="align-text-top noRightClick twitterSection" data="
">
ইয়াৰ আগতে, ভুল ভুলইয়া ২ ৰ অভিনেতা কাৰ্তিক আৰ্য়ান কাশীঘাটত উপস্থিত হৈছিল । ভুল ভুলইয়া ২ য়ে বক্স অফিচত ১০০ কোটিৰ সীমা স্পৰ্শ কৰিছে । এইখন কাৰ্তিক আৰ্য়ানৰ প্ৰথম ছবি, যিয়ে 100 কোটিৰ ক্লাবত যোগদান কৰিছে ।
