গোলাঘাট, 27 এপ্ৰিল : গোলাঘাট নগৰৰ শান্তিপুৰত ড্ৰাগছ সহ আটক পাচঁজন ড্ৰাগছ সৰবৰাহকাৰী । আটকাধীন ড্ৰাগছ সৰবৰাহকাৰী কেইজন ক্ৰমে ৰাজা খান, আমিৰ খান, চাকিব হক, নাজিম আলি আৰু পিন্টু সাহ । আৰক্ষী সূত্ৰে প্ৰকাশ কৰা অনুসৰি দীৰ্ঘদিন ধৰি গোলাঘাট শান্তিপুৰত মূল অভিযুক্ত ৰাজা খানৰ নেতৃত্বত নিষিদ্ধ ড্ৰাগছৰ ৰমৰমীয়া ব্যৱসায় চলি আহিছিল । উল্লেখ্য যে, ইতিপূৰ্বেও গোলাঘাট আৰক্ষীয়ে ড্ৰাগছ ব্যৱসায়ৰ অভিযোগত যুৱককেইজনক জেললৈ প্ৰেৰণ কৰিছিল ৷
সোমবাৰে এক চুৰি কাণ্ডৰ সন্দৰ্ভত গোলাঘাট আৰক্ষীয়ে চাকিব হকক গ্ৰেপ্তাৰ কৰি চুৰি সামগ্ৰীখিনি উদ্ধাৰ কৰিবলৈ গোলাঘাটৰ শান্তিপুৰৰ আমিৰ খানৰ বাসগৃহত তালাচী চলাওতে ড্ৰাগছ সহ পুনৰ আটক হয় যুৱককেইজন ৷ লগতে আৰক্ষীয়ে ড্ৰাগছ ব্যৱসায়ী কেইজনৰ পৰা ১.৩ গ্ৰাম ড্ৰাগছ উদ্ধাৰ কৰিবলৈ সক্ষম হয় ।
লগতে পঢ়ক : থুঁতৰিত মাস্ক পিন্ধি মাস্ক বিতৰণ মন্ত্ৰী যোগেন মহনৰ