ডুমডুমা, 4 অক্টোবৰ : আন্তৰাষ্ট্ৰীয় আমন্ত্ৰণমূলক ফুটবল প্ৰতিযোগিতাৰ একাদশ বাৰ্ষিক 'বদৌচা কাপ' ফুটবলৰ তৃতীয় স্থান নিৰ্ণায়ক খেলখন বৃহস্পতিবাৰে নিশা ডুমডুমা নগৰ খেলপথাৰত অনুষ্ঠিত হয় । মনিপুৰ এফ. চি. আৰু শ্বিলং এফ. চিৰ মাজত অনুষ্ঠিত মেচত শ্বিলং দলে 2-1 ব্যৱধানত জয়ী হ'বলৈ সক্ষম হয় ৷
'বদৌচা কাপ-2019' ফুটবলৰ চূড়ান্ত খেল
আনহাতে, 4 অক্টোবৰৰ দিনা তিনিচুকীয়া কচুজান খেল পথাৰত পাঞ্জাৱ এফ. চি. আৰু কেৰালা এফ. চিৰ মাজত 'বদৌচা কাপ' ফুটবলৰ চূড়ান্ত খেল অনুষ্ঠিত হ'ব ৷ চূড়ান্ত খেলখনত অসমৰ লগতে চুবুৰীয়া ৰাজ্য অৰুণাচল প্ৰদেশৰ বহুকেইগৰাকী বিশিষ্ট ব্যক্তি উপস্থিত থাকিব বুলি উদ্যোক্তাসকলে জানিবলৈ দিয়ে ৷
