ধুবুৰী, 18 মাৰ্চ : আবিৰৰ ৰঙত ৰঙীণ হৈ পৰিল সমগ্ৰ ৰাজ্য (Holi in Assam) ৷ ৰাজ্যৰ ভিন্ন প্ৰান্তৰ লগতে ধুবুৰীৰো ভিন্নস্থানত বিভিন্ন কাৰ্যসূচীৰে উদযাপন কৰা হৈছে ৰঙৰ উৎসৱ ফাকুৱা (Holi celebration in Dhubri) । এইবেলি ধুবুৰীৰ নৃত্যাংগণ নামৰ সাংস্কৃতিক সংস্থাৰ উদ্যোগত উলিওৱা হয় বিশাল সাংস্কৃতিক শোভাযাত্ৰা ।
ৰাজীৱ গান্ধী শিশু উদ্যানত অনুষ্ঠিত হোৱা এই শোভাযাত্ৰাত অংশ লয় বিজেপি বিধায়ক ৰাম কৃষ্ণ ঘোষে (MLA Ramkrishna Ghosh celebrate holi in Dhubri) । ফাকুৱাৰ এই পবিত্ৰ দিনটোতে আবিৰৰ ৰঙে সকলোৰে মন প্ৰাণ ৰঙীন কৰি তোলাৰ কামনা কৰে বিধায়ক গৰাকীয়ে । ইপিনে, 75তম স্বৰাজ উদযাপন সমিতিৰ উদ্যোগত ধুবুৰীৰ ৰাজা প্ৰভাত চন্দ্ৰ বৰুৱা খেল পথাৰত অনুষ্ঠিত হয় আন এখন সাংস্কৃতিক অনুষ্ঠান ।
বিভিন্ন সাংস্কৃতিক গোষ্ঠীৰ নৃত্যানুষ্ঠানৰ মাজতে পিছত অনুষ্ঠানত সংগীত পৰিৱেশন কৰে বিশিষ্ট সংগীত শিল্পী দীক্ষুয়ে ৷ এই অনুষ্ঠানৰ পাছতেই টেকেলি ভঙা খেল অনুষ্ঠিত কৰা হয় । শুকুৰবাৰে অনুষ্ঠিত হোৱা এই অনুষ্ঠানত বিজেপিৰ কেইবাগৰাকী নেতা উপস্থিত থাকে ৷
লগতে পঢ়ক : Rajya Sabha Election: ৰাজ্যসভাৰ এখন আসনত বিজেপিৰ প্ৰাৰ্থীৰ নাম ঘোষণা
