বিজনেছ ডেস্ক,৪ অক্টোবৰ : আমেৰিকাৰ বৃহৎ প্ৰযুক্তি কোম্পানী গুগলৰ গুৰুত্বপূৰ্ণ ঘোষণা । সোমবাৰে কোম্পানীটোৱে ঘোষণা কৰা মতে চীনত বন্ধ কৰি দিয়া হৈছে গুগলৰ অনুবাদ সেৱা (Google shuts down translation feature in China)। দেশখনত এই সেৱাৰ ব্যৱহাৰ অতি কম হোৱাৰ বাবেই এই সেৱা বন্ধ কৰাৰ ঘোষণা কৰিছে গুগুলে ।
ইয়াৰ পূৰ্বে, কেইবাটাও সংবাদ মাধ্যমৰ প্ৰতিবেদনত কোৱা হৈছিল যে অনুবাদ সেৱাৰ হংকং সংস্কৰণটো ভাৰ্চুৱেল প্ৰাইভেট নেটৱৰ্ক অবিহনে অঞ্চলটোত উপলব্ধ নহয় । ইফালে চিএনএনৰ প্ৰতিবেদন অনুসৰি ২০১০ চনত চীনত গুগলৰ চাৰ্চ ইঞ্জিন সেৱা বন্ধ কৰা হৈছিল (Google stopped search engine in China)।
লক্ষণীয়ভাৱে, চীন চৰকাৰৰ বিৰুদ্ধে এক গুৰুতৰ অভিযোগ আছে । লাখ লাখ নাগৰিকৰ ব্যক্তিগত তথ্য সংগ্ৰহ কৰি তেওঁলোকৰ পৰিচয় বিচাৰি উলিয়াব পাৰে চীনে । ইয়াৰ দ্বাৰা চৰকাৰক আধিপত্যবাদী শাসন বজাই ৰখাত সহায় কৰিব পাৰে ।
অৱশ্যে, চীনৰ চৰকাৰে এই অভিযোগ কেতিয়াও স্বীকাৰ কৰা নাই । চীনৰ ভিতৰত কৰ্মৰত গুপ্তচৰ প্ৰযুক্তিৰ বিৱৰণ আৰক্ষীৰ গৱেষণা পত্ৰ, নিৰীক্ষণ ঠিকাদাৰৰ পেটেন্ট আৰু প্ৰেজেণ্টেচন, লগতে শ শ ৰাজহুৱা ক্ৰয় নথিপত্ৰৰ পৰা এয়া পোহৰলৈ আহিছে । নিৰীক্ষণৰ আটাইতকৈ উদ্বেগজনক কথাটো হ'ল ইয়াৰ পেটেন্ট অবৈধতা (Patent illegality in China)। প্ৰায়ে মানুহে নাজানে যে তেওঁলোকক নিৰীক্ষণ কৰি থকা হৈছে । চীনা কৰ্তৃপক্ষই অনুমতি অবিহনে ৰাইজৰ গোপনীয়তাত হস্তক্ষেপ কৰে ।
ইয়াৰ পূৰ্বে, চীনৰ ২০১৭ চনৰ চাইবাৰ নিৰাপত্তা আইনে চীনত অত্যাৱশ্যকীয় তথ্য আন্তঃগাঁথনি প্ৰদান কৰা ব্যৱসায়বোৰৰ বাবে তেওঁলোকৰ তথ্য চৰকাৰৰ দ্বাৰা পৰিচালিত চাৰ্ভাৰত ৰখাটো বাধ্যতামূলক কৰিছিল । অৱশ্যে, চীনৰ ২০২১ চনৰ ডাটা সুৰক্ষা আইনে চীন চৰকাৰক চীনত ব্যৱসায় কৰা বিদেশী কোম্পানীবোৰ পৰীক্ষা কৰাৰ কৰ্তৃত্ব প্ৰদান কৰে যিবোৰে ৰাষ্ট্ৰীয় সুৰক্ষাৰ দৃষ্টিভংগীৰ অধীনত ব্যৱহাৰকাৰীৰ তথ্য সংগ্ৰহ কৰে ।
উক্ত ব্যৱস্থাবোৰ কেৱল চীনৰ সীমাৰ বাহিৰত তথ্য নিয়ন্ত্ৰণ সম্প্ৰসাৰণৰ প্ৰচেষ্টা বুলি বিবেচনা কৰা হয় । কিয়নো WeChat আৰু TikTok দৰে চীনা প্লেটফৰ্মবোৰৰ কাৰ্যকলাপৰ বাবে সম্প্ৰতি সংবাদ মাধ্যমৰ দৃষ্টি আকৰ্ষণ কৰিছে ।
লগতে পঢ়ক :RBI Tokenisation Rule : টোকেনাইজেচন সম্পৰ্কে জানিবলগীয়া কেইটামান কথা
