মুম্বাই, 17 এপ্ৰিলঃ শুকুৰবাৰে ভাৰতীয় ৰিজাৰ্ভ বেংকৰ গভৱৰ্ণৰ শক্তিকান্ত দাসে সংবাদ মাধ্যমক সম্বোধন কৰে । আজি COVID-19য়ে সমগ্ৰ বিশ্বকে ঘাটক আলিংগণেৰে বান্ধি ৰাখিছে,সেয়ে মানৱ জাতি আজি সংকটত বুলি অভিহিত কৰে তেওঁ । এনে অৱস্থাত ভাৰতীয় ৰিজাৰ্ভ বেংকে সক্ৰিয় আৰু সতৰ্কতাৰে দৃষ্টি ৰাখি আছে বুলিও প্ৰকাশ কৰে ৰিজাৰ্ভ বেংকৰ গভৱৰ্ণৰ গৰাকীয়ে ।
উল্লেখ্য যে, 25 মাৰ্চৰ পৰা লকডাউন ঘোষণা কৰাৰ পাচত ৰিজাৰ্ভ বেংকৰ গভৱৰ্ণৰৰ এইয়া দ্বিতীয় সংবাদ মেল আছিল।
সংবাদিকৰ আগত শক্তিকান্ত দাসে উল্লেখ কৰা কেইটামান গুৰুত্বপূৰ্ণ বিষয় হ'ল-
- পুনৰ বিত্ত নিয়োজনৰ বাবে নাবাৰ্ড এচ আই বিডি আই আৰু এন বি এইড্চলৈ 50,000 কোটি টকাৰ আৱণ্টন
- ৰেপ' ৰেট 25bhp হ্ৰাস,এই হ্ৰাসৰ পাচত বৰ্তমান ৰেপ' ৰেটৰ হাৰ 4.0 শতাংশৰ পৰা 3.75 শতাংশ হ'ব
- সম্পত্তিৰ শ্ৰেণী বিভাজন মাৰ্চৰ পৰা মে'লৈ তিনিমাহ স্থবিৰ থাকিব ।
- লক ডাউনৰ সময়ত মবাইল বেংকিং আৰু ইন্টাৰনেট বেংকিঙৰ ডাউন টাইম নাথাকিব ।
- IMFৰ দ্বাৰা ভাৰতৰ GDP 1.9 শতাংশ ধাৰ্য ।
- বেংক আৰু আন বিত্তীয় প্ৰতিষ্ঠানসমূহ লক ডাউনৰ সময়চোৱাত সাধাৰণ ধৰণেই কাৰ্যক্ষম হৈ থাকিব। ইয়াৰ এই সমূহৰ লগতে আৰু বহুকেইটা বিষয় উল্লেখ কৰে গভৱৰ্ণৰ শক্তিকান্ত দাসে ।
লগতে পঢ়কঃ লক ডাউনঃ পিতৃক বোকোচাত তুলি চিকিৎসালয়ৰ পৰা ঘৰলৈ আনিলে পুত্ৰই
