পাঠশালাৰ বজালীত বৰ্ণিল কাৰ্য্যসূচীৰে অনুষ্ঠিত জোনাকী মেল

প্ৰত্যেক বছৰৰ দৰে এইবাৰো বজালীত এক বৰ্ণিল কাৰ্য্যসূচীৰে জোনাকী মেলৰ আয়োজন কৰা হয়৷

বৰপেটা, 25 জুন: প্ৰত্যেক বছৰৰ দৰে এইবাৰো বজালীত এক বৰ্ণিল কাৰ্য্যসূচীৰে জোনাকী মেলৰ আয়োজন কৰা হয়৷ গীতিকবি পাৰ্ব্বতী প্ৰসাদ বৰুৱাৰ আৰ্হিত বজালীৰ সাহিত্য-সংস্কৃতিৰ উত্তৰণৰ বাবে বজালীৰ এগৰাকী বিশিষ্ট ব্যক্তি মৃণাল চন্দ্ৰ কলিতাই নামনি অসমৰ বিভিন্ন প্ৰান্তত জোনাকী মেল আয়োজন কৰি আহিছে৷ এইবেলি তেওঁৰ প্ৰচেষ্টাত পাঠশালাৰ ভাগৱতী ক্ষেত্ৰত 41 সংখ্যক জোনাকী মেল অনুষ্ঠান বিশাল আয়োজনেৰে সম্পন্ন হৈ যায়৷

অনুষ্ঠানত ভোৰতাল, দেৱদাসী, আয়তী নাম আদি গীত মাত, কবিতা আদি পৰিবেশন কৰা হয়৷ উক্ত অনুষ্ঠানত আনুষ্ঠানিক ভাৱে বজালীৰ বিশিষ্ট সমাজকৰ্মী গিৰিধৰ চৌধুৰীক বজালী ভূষণ উপাধি প্ৰদান কৰা হয়৷ অনুষ্ঠানত বিভিন্ন শিক্ষানুষ্ঠানৰ শিক্ষাৰ্থীৰ উপৰিও পাঠশালাবাসী ৰাইজ উপস্থিত থাকে৷