নেশ্যনেল ডেস্ক, 7 জুলাই : বিয়াৰ এদিন পিছতেই পঞ্জাৱৰ মুখ্যমন্ত্ৰী ভগৱন্ত মানৰ ডাঃ গুৰপ্ৰীট কৌৰৰ টুইটাৰ একাউণ্ট সাময়িকভাৱে বন্ধ কৰে টুইটাৰ কৰ্তৃপক্ষই (Twitter account of Punjab CM wife Gurpreet Kaur suspended) ৷ ডাঃ গুৰপ্ৰীট কৌৰে (৩০) টুইটাৰত নিজৰ এখন ফটো শ্বেয়াৰ কৰি কেপশ্যনত "দিন শগনা দা ছাদিয়া (বিবাহৰ দিন আহিছে)" লিখিছিল ৷ ইয়াৰ পিছতে সম্প্ৰদায়ৰ মানদণ্ড উলংঘন(Violation of community standards) কৰাৰ অভিযোগত পঞ্জাৱৰ মুখ্যমন্ত্ৰীৰ পত্নী ডাঃ গুৰপ্ৰীট কৌৰৰ টুইটাৰ একাউণ্টটো সাময়িকভাৱে বন্ধ কৰে টুইটাৰ কৰ্তৃপক্ষই ৷
বহু অপেক্ষাৰ অন্তত বৃহস্পতিবাৰে পঞ্জাৱৰ মুখ্যমন্ত্ৰী ভগৱন্ত মানৰ সৈতে বিবাহপাশত আৱদ্ধ হয় ডাঃ গুৰপ্ৰীট কৌৰ (Punjab Chief Minister Bhagwant Mann wedding) ৷ পঞ্জাৱৰ মুখ্যমন্ত্ৰী ভৱনতে সাধাৰণভাৱে আয়োজন কৰা হৈছিল এই বিয়াখন ৷
মুখ্যমন্ত্ৰী ভগৱন্ত মানৰ পত্নী ডাঃ গুৰপ্ৰীট কৌৰ হাৰিয়ানাৰ পেহোৱাৰ বাসিন্দা ৷ ডাঃ গুৰপ্ৰীটৰ পিতৃ এজন গাঁও প্ৰধান ৷ তিনিগৰাকী ভগ্নীৰ ভিতৰত গুৰপ্ৰীট সৰু ৷ ডাঃ গুৰপ্ৰীটৰ এগৰাকী ভগ্নীৰ বিবাহ অষ্ট্ৰেলিয়ালৈ আৰু আনগৰাকী আমেৰিকালৈ হৈছে বুলি জানিব পৰা গৈছে ৷ গুৰপ্ৰীট কৌৰে আম্বালাৰ মেডিকেল কলেজত(Medical Colleges in Ambala) চিকিৎসা বিজ্ঞানৰ শিক্ষা গ্ৰহণ কৰিছিল ৷
গুৰপ্ৰীট কৌৰে ২০১৩ চনত আম্বালাৰ মুলানা মেডিকেল কলেজত(Mulana Medical College Ambala) নামভৰ্তি কৰিছিল আৰু ২০১৭ চনত মেডিকেলৰ অধ্যয়ন সম্পূৰ্ণ কৰিছিল ৷ 2019 চনতে মুখ্যমন্ত্ৰী ভগৱন্ত মানক পৰিয়ালৰ লোকৰ সৈতে লগ পাইছিল গুৰপ্ৰীট কৌৰে ৷ তেতিয়াৰ পৰাই আলোচনা চলিছিল বিয়াৰ ৷
টুইটাৰত যথেষ্ট সক্ৰিয় হৈ থাকে মুখ্যমন্ত্ৰীৰ পত্নীগৰাকী ৷ মুখ্যমন্ত্ৰী মানৰ বেছিভাগ টুইটেই ৰি-টুইট কৰে গুৰপ্ৰীটে ৷ মুখ্যমন্ত্ৰী ভগৱন্ত মানে দ্বিতীয়বাৰ বিবাপাশত আৱদ্ধ হয় গুৰপ্ৰীটৰ লগত (Second marriage of Chief Minister Bhagwant Mann) ৷ চাৰি বছৰ পূৰ্বে তেওঁৰ প্ৰথম পত্নী ইন্দ্ৰপ্ৰীট কৌৰৰ লগত বিবাহ বিচ্ছেদ হয় মুখ্যমন্ত্ৰী মানৰ ৷
মানৰ প্ৰথম পত্নী ইন্দৰপ্ৰীট কৌৰৰ এটি পুত্ৰ আৰু এগৰাকী কন্যা আছে । সম্প্ৰতি দুয়ো সন্তান মাক ইন্দৰপ্ৰীট কৌৰৰ সৈতে বিদেশত থাকে ৷ ভগৱন্তই যেতিয়া মুখ্যমন্ত্ৰী হিচাপে শপত গ্ৰহণ কৰিছিল, তেতিয়া দুয়োজনেই শপত গ্ৰহণ অনুষ্ঠানত উপস্থিত আছিল পিতৃক সাক্ষাৎ কৰিবলৈ ৷ শপত গ্ৰহণ অনুষ্ঠানত তেওঁৰ কন্যা আৰু পুত্ৰক দেখি আপ্লুত হৈ পৰিছিল ভগৱন্ত মান ।
লগতে পঢ়ক :আজি পঞ্জাৱৰ মুখ্যমন্ত্ৰী ভগৱন্ত মানৰ বিয়া
