নেশ্যনেল ডেস্ক,৩ আগষ্ট : হাৰিয়ানাৰ নুহত সংঘটিত হিংসাত্মক ঘটনাক লৈ দেশজুৰি উদ্বেগৰ সৃষ্টি হৈছে । ইফালে ৰাজ্যখনৰ কিছুমান জিলাত পৰিস্থিতি এতিয়াও উত্তেজনাপূৰ্ণ হৈ আছে । নুহত সংঘটিত হিংসাত্মক ঘটনাৰ পাছত ফৰিদাবাদ আৰু পালৱাল জিলাৰ পৰিস্থিতিৰ লগতে গুৰুগ্ৰামৰ ৩ টা মহকুমাত পৰিৱেশ স্পৰ্শকাতৰ হৈ আছে । এনে পৰিস্থিতিত হাৰিয়ানা চৰকাৰে বুধবাৰে এক নিৰ্দেশ জাৰি কৰিছে । নিৰ্দেশনাত কোৱা হৈছে যে উক্ত অঞ্চলবোৰত ৫ আগষ্টলৈকে মোবাইল ইণ্টাৰনেট সেৱা বন্ধ ৰখা হ'ব ।
হাৰিয়ানাৰ গৃহ সচিবে এই নিৰ্দেশ জাৰি কৰি কৈছে যে এই জিলাসমূহৰ পৰিস্থিতি গুৰুতৰ আৰু উত্তেজনাপূৰ্ণ হৈ আছে । নুহ, ফৰিদাবাদ, পালৱাল আৰু গুৰুগ্ৰামৰ উপায়ুক্তসকলৰ সৈতে সংশ্লিষ্ট জিলাসমূহত আইন-শৃংখলা পৰ্যালোচনা কৰা হৈছে । এই জিলাসমূহত পৰিস্থিতি এতিয়াও উত্তেজনাপূৰ্ণ হৈ আছে । যাৰ বাবে এই জিলাসমূহত ইণ্টাৰনেট সেৱা বন্ধ কৰাৰ সিদ্ধান্ত লোৱা হৈছে বুলি নিৰ্দেশটোত কোৱা হৈছে ।
-
फरीदाबाद में 5 अगस्त 2023 तक इंटरनेट की सेवाएं स्थगित रहेंगी। pic.twitter.com/GIRjzAfHb1
— People’s Police - Faridabad Police (@FBDPolice) August 2, 2023 " class="align-text-top noRightClick twitterSection" data="
">फरीदाबाद में 5 अगस्त 2023 तक इंटरनेट की सेवाएं स्थगित रहेंगी। pic.twitter.com/GIRjzAfHb1
— People’s Police - Faridabad Police (@FBDPolice) August 2, 2023फरीदाबाद में 5 अगस्त 2023 तक इंटरनेट की सेवाएं स्थगित रहेंगी। pic.twitter.com/GIRjzAfHb1
— People’s Police - Faridabad Police (@FBDPolice) August 2, 2023
গৃহ সচিবে নিৰ্দেশনাটোত লগতে সকীয়াই দিছে যাতে কোনেও হোৱাটছএপ, ফেচবুক, টুইটাৰ আদিৰ দৰে বিভিন্ন সামাজিক মাধ্যম প্লেটফৰ্মৰ জৰিয়তে মোবাইল ফোন আৰু এছএমএছত ভুল তথ্য আৰু উৰাবাতৰি বিয়পোৱাৰ চেষ্টা নকৰে । ভুল তথ্যৰ ভিত্তিত আন্দোলনকাৰী আৰু প্ৰতিবাদকাৰীসকলে পুনৰ সংগঠিত হৈ প্ৰচুৰ ক্ষতি সাধন কৰিব পাৰে বুলি আশংকা কৰা হৈছে । যাৰ বাবে চৰকাৰে হিংসা প্ৰভাৱিত অঞ্চলসমূহত ইণ্টাৰনেট সেৱা স্থগিত ৰখাৰ সিদ্ধান্ত লৈছে ।
ইফালে, হাৰিয়ানা চৰকাৰে দ্বিতীয় আইআৰবি বেটেলিয়নৰ মুখ্য কাৰ্যালয় ভণ্ডচিৰ পৰা অতি সোনকালে নুহলৈ স্থানান্তৰ কৰাৰ সিদ্ধান্ত লৈছে । হাৰিয়ানাৰ মুখ্যমন্ত্ৰী মনোহৰ লাল খট্টৰে এই সন্দৰ্ভত সকীয়নি প্ৰদান কৰি কয় যে দোষী প্ৰমাণিত হ'লে নুহ হিংসাৰ সৈতে জড়িত কোনো অভিযুক্তকে ৰেহাই দিয়া নহ'ব আৰু কঠোৰ ব্যৱস্থা গ্ৰহণ কৰা হ'ব । ইয়াৰ লগতে মুখ্যমন্ত্ৰীয়ে কয় যে ভুক্তভোগী আৰু তেওঁলোকৰ পৰিয়ালৰ বাবে ন্যায়ক অগ্ৰাধিকাৰ দিয়া হ'ব ।
-
#गुरुग्राम_पुलिस द्वारा साम्प्रदायिक दंगों को मध्यनजर रखते हुए तथा कानून-व्यवस्था, शान्ति व समन्वय स्थापित करने के उद्देश्य से विभिन्न स्थानों पर किया फ्लैग मार्च।@cmohry @anilvijminister@police_haryana @DGPHaryana pic.twitter.com/Fy9LkXwlra
— Gurugram Police (@gurgaonpolice) August 2, 2023 " class="align-text-top noRightClick twitterSection" data="
">#गुरुग्राम_पुलिस द्वारा साम्प्रदायिक दंगों को मध्यनजर रखते हुए तथा कानून-व्यवस्था, शान्ति व समन्वय स्थापित करने के उद्देश्य से विभिन्न स्थानों पर किया फ्लैग मार्च।@cmohry @anilvijminister@police_haryana @DGPHaryana pic.twitter.com/Fy9LkXwlra
— Gurugram Police (@gurgaonpolice) August 2, 2023#गुरुग्राम_पुलिस द्वारा साम्प्रदायिक दंगों को मध्यनजर रखते हुए तथा कानून-व्यवस्था, शान्ति व समन्वय स्थापित करने के उद्देश्य से विभिन्न स्थानों पर किया फ्लैग मार्च।@cmohry @anilvijminister@police_haryana @DGPHaryana pic.twitter.com/Fy9LkXwlra
— Gurugram Police (@gurgaonpolice) August 2, 2023
উল্লেখ্য যে সাম্প্ৰদায়িক হিংসাৰ পৰিপ্ৰেক্ষিতত গুৰুগ্ৰাম আৰক্ষীয়ে অঞ্চলটোত আইন-শৃংখলা, শান্তি আৰু সমন্বয় স্থাপনৰ বাবে নিৰন্তৰ চেষ্টা কৰি আছে । গুৰুগ্ৰাম আৰক্ষীয়ে বিভিন্ন অঞ্চলত নিৰন্তৰভাৱে ফ্লেগ মাৰ্চ কৰি আছে আৰু শান্তি বজাই ৰাখিবলৈ আহ্বান জনাইছে । আনহাতে উৰাবাতৰি বিয়পোৱা কামত জড়িত নহ'বলৈ বা উৰাবাতৰিত বিশ্বাস নকৰিবলৈও আৰক্ষীয়ে ৰাইজক আহ্বান জনাইছে ।
লগতে পঢ়ক :Haryana violence : হাৰিয়ানা সংঘৰ্ষত মৃত্যুৰ সংখ্যা ৬ জনলৈ বৃদ্ধি
