নিউজ ডেস্ক, ২০ এপ্ৰিলঃ যিটো সময়ত সমগ্ৰ দেশ কৰ'ণা ভাইৰাছৰ কৱলত পৰিছে, তেনে সময়তে পাকিস্তানৰ দ্বাৰা সমৰ্থিত সন্ত্ৰাসবাদীৰ হাতত নিহত হয় এগৰাকী আৰক্ষীৰ জোৱান । জম্মু-কাশ্মীৰৰ অনন্তনাগ জিলাত সংঘটিত হয় এই হত্যাকাণ্ড । লকডাউনৰ সময়ছোৱাত ছুটীৰ বাবে নিজ গৃহত থকা নিৰস্ত্ৰ আৰক্ষীৰ জোৱানগৰাকীক বৰ্বৰভাৱে গুলিয়াই হত্যা কৰে সন্ত্ৰাসবাদীয়ে ।
অনন্তনাগ জিলাৰ হিলাৰ গাঁৱত দেওবাৰে সংঘটিত হয় এই ঘটনা । নিজ বাসগৃহ থকা অৱস্থাত সন্দেহজনক সন্ত্ৰাসবাদীৰ গুলীত গুৰুতৰভাৱে আঘাতপ্ৰাপ্ত হয় জম্মু-কাশ্মীৰ আৰক্ষীৰ মঞ্জুৰ আহমেদ নামৰ জোৱানগৰাকী । পৰৱৰ্তী সময়ত পৰিয়ালৰ লোকে আৰক্ষী জোৱানগৰাকীক স্থানীয় চিকিৎসালয়ত ভৰ্তি কৰোৱা হয় যদিও মৃত্যুৰ সৈতে হাৰ মানে জোৱানগৰাকীয়ে ।
ইতিমধ্যে আৰক্ষীয়ে সমগ্ৰ অঞ্চলটো ঘেৰি ধৰি, সেনা আৰু অৰ্ধসামৰিক বাহিনীৰ সহযোগত সন্ত্ৰাসবাদীৰ বিৰুদ্ধে অভিযান আৰম্ভ কৰিছে ।
লগতে পঢ়কঃ কৰ'ণাৰ বিৰুদ্ধে যমৰাজৰ ৰূপত আৰক্ষী, ক'ত চাওক
