নিউড ডেস্ক, ৩ জুনঃ মেঘালয়ৰ মুখ্যমন্ত্ৰী কনৰাড চাংমাই বুধবাৰে পৰিদৰ্শন কৰে পূৱ গাড়ো পাহাৰস্থিত কোভিড ১৯ আইছোলেশ্বন ৱাৰ্ড। এই সময়ত মুখ্যমন্ত্ৰীগৰাকীৰ লগত থাকে স্থানীয় বিধায়ক আৰু জিলা উপাযুক্ত।
কোভিড ১৯ আইছোলেশ্বন ৱাৰ্ডসমূহ পৰিদৰ্শন কৰি ৰাজ্যখনত কৰ'ণা ভাইৰাচৰ বিৰুদ্ধে যুঁজ দি থকা চিকিৎসাকৰ্মী,আৰক্ষীৰ লোক আদি সকলোকে টুইটাৰযোগে ধন্যবাদ জনাই মুখ্যমন্ত্ৰী কনৰাড চাংমাই।
উল্লেখ্য যে, চুবুৰীয়া ৰাজ্যখনত বৰ্তমানলৈকে 31 গৰাকী ব্যক্তিৰ দেহত ধৰা পৰিছে কৰ'ণা ভাইৰাছৰ উপস্থিতি। ইয়াৰে চিকিৎসাধীন অৱস্থাত আছে ১৭ গৰাকী লোক। তদুপৰি, ৰাজ্যখনত ১৩ গৰাকী ব্যক্তি আৰোগ্য লাভ কৰাৰ বিপৰীতে এজন লোকৰ মৃত্যু হৈছে।
