নেশ্যনেল ডেস্ক, ২৩ মে': কৰ'ণাৰ ভয়াৱহ সংক্ৰমণ অব্যাহত থকাৰ মাজতে মধ্য প্ৰদেশত ব্লেক ফাংগাছ আৰু হোৱাইট ফাংগাছৰ ঘটনা । এইবাৰ মধ্য প্ৰদেশত ব্লেক ফাংগাছ আৰু হোৱাইট ফাংগাছত আক্ৰান্ত দুগৰাকী ৰোগী ধৰা পৰিছে ।
ব্লেক ফাংগাছ আৰু হোৱাইট ফাংগাছত আক্ৰান্ত এজনৰ গোৱালিয়ৰত চিকিৎসকসকলে সফল অস্ত্ৰোপচাৰ সম্পন্ন কৰে । শেহতীয়াকৈ কৰ'ণাৰ পৰা আৰোগ্য লাভ কৰিছিল লোকজনে ।
ৰাজ্যখনৰ ৰাজধানী ভূপালতো একেধৰণ ঘটনা পোহৰলৈ আহিছে । এজন ৪২ বছৰীয়া লোকৰ শ্বাসনলীত ব্লেক ফাংগাছ আৰু হোৱাইট ফাংগাছৰ দুয়োটা ধৰা পৰে । ইফালে, মধ্য প্ৰদেশ চৰকাৰে ৰাজ্যখনত ব্লেক ফাংগাছ আৰু হোৱাইট ফাংগাছ ৰোগ নিৰ্মূল কৰিবলৈ এক অভিযান আৰম্ভ কৰিছে ।
লগতে পঢ়ক: দিল্লীত এসপ্তাহলৈ বৃদ্ধি লকডাউন
