অথলে গৈছে গো-ব্যৱসায়ক লৈ চৰকাৰী নিৰ্দেশনা
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Feb 20, 2024, 7:20 AM IST
![ETV Thumbnail thumbnail](https://etvbharatimages.akamaized.net/etvbharat/prod-images/20-02-2024/640-480-20792741-thumbnail-16x9-cattle-smuggling.jpg)
গুৱাহাটী, 20 ফেব্ৰুৱাৰী : ৰাজ্যত অবৈধভাৱে গৰু সৰবৰাহ এতিয়াও অব্যাহত আছে । গো-ব্যৱসায়ীসকলে নীতি বৰ্হিভূতভাৱে গৰু সৰবৰাহ কৰিয়ে আছে ৷ বহু ব্যৱসায়ীয়ে কেৱল ব্যক্তিগত মুনাফাৰ স্বার্থত সকলো নীতি নিয়ম জলাঞ্জলি দি ৰমৰমীয়া বেপাৰ চলাই আহিছে ৷
এইবাৰ নিশাৰ আন্ধাৰত নহয়, দিন দুপৰতে ৰাষ্ট্ৰীয় ঘাইপথেৰে পাৰ হৈছে অবৈধভাৱে সৰবৰাহ কৰি থকা গৰু ভৰ্তি বাহন । প্ৰাপ্ত খবৰ অনুসৰি, দেওবাৰে পুৱাৰ ভাগত মহানগৰীৰ মাজেৰে পাৰ হ’বলৈ লওতেই গঢ়চুক আৰক্ষীয়ে এক গোপন সূত্ৰৰ পম খেদি জব্দ কৰে এখন গো-ধন ভৰ্তি ডি আই বাহন । বাহনখনৰ লগতে জব্দ কৰে ৮ টাকৈ গৰু ।
AS 13AC5047 নম্বৰ বাহনখনেৰে অবৈধভাৱে সৰবৰাহ কৰি লৈ অহা হৈছিল গো-ধনসমূহ । মঙলদৈৰ পৰা লখৰালৈ লৈ গৈ থকাৰ সময়তে গঢ়চুকত জব্দ কৰা হয় বাহনখন । আৰক্ষীয়ে ইতিমধ্যে আটক কৰিছে নজৰুল আলী আৰু আহমেদ আলী নামে দুই সৰবৰাহকাৰীৰ লগতে আন এজন গৰু ব্যৱসায়ীক ।
লগতে পঢ়ক : কলিয়াবৰত পথ দুৰ্ঘটনাত আহত দুধৰ্ষ গৰু চোৰ চিকিৎসাধীন