চন্দ্ৰপুৰত নাও দুৰ্ঘটনা: ব্ৰহ্মপুত্ৰত পৰি যুৱকৰ মৃত্যু

গুৱাহাটী, 26 জানুৱাৰী : পানীখাইতি হাতীশিলা বনভোজস্থলীত অঘটন ৷ ব্ৰহ্মপুত্ৰত পৰি মৃত্যু এজন যুৱকৰ ৷ নদীত টুলুঙা নাও চলাই থকা অৱস্থাত পানীত পৰি অকাল মৃত্যুক সৱটিলে এজন যুৱকে ৷  

জানিব পৰা মতে এই স্থানত বনভোজ খাবলৈ অহা এজন যুৱকে ব্ৰহ্মপুত্ৰত এখন টুলুঙা নাও চলাইছিল ৷ কিন্তু নাও চলাই থকা অৱস্থাতে দু্ৰ্ঘটনাত পতিত হৈ মৃত্যুক আঁকোৱালি লয় যুৱকজনে ৷

ঘটনাস্থলীত পৰৱৰ্তী সময়ত আৰক্ষী উপস্থিত হয় ৷ ইতিমধ্যে যুৱকজনৰ মৃতদেহ উদ্ধাৰ কৰিছে আৰক্ষীয়ে ৷ উদ্ধাৰ হোৱা মৃত যুৱকজন কামৰূপৰ বাইহাটা চাৰিআলিৰ অবিনাশ ডেকা বুলি জানিব পৰা গৈছে ৷ যুৱকজন অমিনগাঁৱৰ হোটেল বৰলোহিতৰ মেনেজাৰ আছিল বুলি জানিব পৰা গৈছে ৷ 

লগতে পঢ়ক : গাঁতৰ পৰা ওলাইছে অহৰহ ধোঁৱা আৰু গেছৰ গোন্ধ : আতংকিত ৰাইজ