ঐতিহাসিক ধোদৰ আলি অৱৰোধ কৰি আছুৰ তীব্ৰ প্ৰতিবাদ
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jan 24, 2024, 4:12 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/24-01-2024/640-480-20582942-thumbnail-16x9-charaideo-news.jpg)
ডিব্ৰুগড়, 24 জানুৱাৰী : মাধ্যম বিতৰ্কক লৈ চৰকাৰৰ বিৰুদ্ধে পুনৰ সৰৱ আছু । আৰক্ষীৰ বাধা নেওচি চৰাইদেউ সোণাৰিৰ ঐতিহাসিক ধোদৰ আলি অৱৰোধ কৰি আছুৰ তীব্ৰ প্ৰতিবাদ । সোণাৰিৰ ঐতিহাসিক ধোদৰ আলি অৱৰোধ কৰি কেবিনেট সিদ্ধান্তৰ প্ৰতিলিপি দাহ সোণাৰি আঞ্চলিক ছাত্ৰ সন্থাৰ ।
ষষ্ঠ শ্ৰেণীৰ পৰা গণিত আৰু বিজ্ঞান বিষয়ত ইংৰাজী ভাষা ব্যৱহাৰৰ বিৰোধিতাৰে এই প্ৰতিলিপি দাহ কাৰ্যসূচী ৰূপায়ণ কৰিছে আছু কৰ্মীসকলে । প্ৰতিবাদকাৰীয়ে মাতৃভাষা বিৰোধী প্ৰতিলিপি দাহ কৰি অসম চৰকাৰ হায় হায়, বিজেপি চৰকাৰ গ’বেক, মুখ্যমন্ত্ৰী হিমন্ত বিশ্ব শৰ্মা মুৰ্দাবাদ, শিক্ষামন্ত্ৰী ৰণোজ পেগু মুৰ্দাবাদ আদি শ্ল’গান দি সোণাৰিৰ আকাশ-বতাহ উত্তাল কৰি তোলে ৷
অতি শীঘ্ৰে ৰাজ্য চৰকাৰে মাতৃভাষা মাধ্যমৰ বিৰুদ্ধে গ্ৰহণ কৰা হঠকাৰী সিদ্ধান্ত বাতিল নকৰিলে পৰৱৰ্তী সময়ত জংগী আন্দোলনৰ কাৰ্যসূচী গ্ৰহণ কৰিব বুলিও হুংকাৰ প্ৰদান কৰে আছুৰ নেতা-কৰ্মীসকলে ।
লগতে পঢ়ক : মাতৃভাষা মাধ্যম বিৰোধী সিদ্ধান্তৰ বিৰুদ্ধে বৰপেটাত আছুৰ প্ৰতিবাদ