ETV Bharat / state

সমাপ্ত হ’ল চাকৰি জীৱনৰ; সেউজ বিপ্লৱৰ লক্ষ্যৰে খেতি কৰ্ম আৰম্ভ অৱসৰপ্ৰাপ্ত শিক্ষকৰ - Self Reliant Retired teacher

author img

By ETV Bharat Assamese Team

Published : May 8, 2024, 10:50 PM IST

Green revolution: কৰ্মজীৱনৰ অৱসৰৰ পাছতো জিৰণি নোলোৱা লখিমপুৰৰ এগৰাকী অৱসৰপ্ৰাপ্ত শিক্ষকে নৱ প্ৰজন্মৰ বাবে হৈ পৰিছে আদৰ্শ । কোন এজন ব্যক্তি তথা তেওঁৰ কৰ্মৰাজিৰ বিষয়ে জানো আহক---

Retired teacher in Lakhimpur have undergone green revolution
সেউজ বিপ্লৱৰ লক্ষ্যৰে খেতি কৰ্ম আৰম্ভ অৱসৰপ্ৰাপ্ত শিক্ষকৰ (ETV Bharat Assam)

সেউজ বিপ্লৱৰ লক্ষ্যৰে খেতি কৰ্ম আৰম্ভ অৱসৰপ্ৰাপ্ত শিক্ষকৰ (ETV Bharat Assam)

লখিমপুৰ,৮ মে': চাকৰি জীৱনৰ অৱসৰৰ পাছতো জিৰণি লোৱা নাই লখিমপুৰৰ এগৰাকী শিক্ষকে । আবাদী ভূমি সেউজ কৰি এইগৰাকী শিক্ষকে অৰ্থ উপাৰ্জন কৰাৰ লগতে নৱ প্ৰজন্মৰ বাবে হৈ পৰিছে আদৰ্শ । গোমধানৰ খেতি কৰি সকলোৰে বাবে আদৰ্শ হৈ পৰিছে এইগৰাকী অৱসৰপ্ৰাপ্ত শিক্ষক । ২০১৯ চনৰ পৰা ২০ বিঘা মাটিত গোমধানৰ খেতি আৰম্ভ কৰি সেউজ বিপ্লৱ গঢ়িবলৈ চেষ্টা কৰিছে এইগৰাকী অৱসৰপ্ৰাপ্ত শিক্ষকে ।

  • " class="align-text-top noRightClick twitterSection" data="">

এই অৱসৰী শিক্ষকগৰাকী হ'ল লখিমপুৰ জিলাৰ ঘূণাসুঁতি বৰচাপৰি গাঁৱৰ নিবাসী মুখেশ্বৰ চুতীয়া । চাকৰি জীৱন শেষ হোৱাৰ পাছত এনেয়ে বহি নাথাকি খেতি কৰি সকলোৰে বাবে স্বাৱলম্বিতাৰ নিদৰ্শন দাঙি ধৰিবলৈ সক্ষম হৈছে চুতীয়াই । ২০১৮ চনত অৱসৰ গ্ৰহণ কৰাৰ পিছত সোৱণশিৰি নদীয়ে কৃষি ক্ষেত্ৰত বিস্তৰ ক্ষতি সাধন কৰা অঞ্চলটিত তেওঁ গৱেষণামূলক অধ্যয়ন কৰি মাত্ৰ চাৰি মাহ ৰবি শস্য কৰাৰ পাছত ৮ মাহ সময় চন পৰি থকা বাবে গোমধানৰ খেতি কৰাৰ চিন্তা-চৰ্চা কৰে ।

ৰাজ্যৰ নিৱনুৱাসকলে নিজ ঠাই এৰি উপাৰ্জনৰ বাবে অন্য ৰাজ্যলৈ ঢাপলি মেলাৰ সময়তে গোমধানৰ খেতি আৰম্ভ কৰা চুতীয়াই নিৱনুৱাসকলৰ বাবে এক আদৰ্শ হৈ পৰিছে । তেওঁ গোমধানৰ খেতি কৰি বছৰি উপাৰ্জন কৰে প্ৰায় ২ ৰ পৰা ৩ লাখ টকা । যোৱাটো বছৰত ২০ বিঘা মাটিত গোমধানৰ খেতি কৰি চুতীয়াই প্ৰায় ৩ লাখ টকা উপাৰ্জন কৰিবলৈ সক্ষম হয় । পূৰ্বৰ দৰেই এইবছৰ ৪০ বিঘা মাটিত গোম ধানৰ খেতি কৰিছে মুখেশ্বৰ চুতীয়াই ।

প্ৰতিবিঘা খেতিত দুই লক্ষাধিক টকা উপাৰ্জন কৰিব বুলি চুতীয়াই কয় । এনেদৰে ঋতু অনুযায়ী খেতি কৰিয়েই উঠি অহা চাম তথা নিৱনুৱাসকলে বহিঃৰাজ্যলৈ যোৱাৰ পৰিৱৰ্তে নিজ ঠাইতে স্বাৱলম্বিতাৰ বাট উলিয়াই ল'ব পাৰে বুলি চুতীয়াই হাতে কামে আদৰ্শ দাঙি ধৰিছে । কৰ্ম জীৱনৰ অৱসৰৰ পাছতো বানে গৰকা আবাদী কৃষিক্ষেত্র কৰ্ষণ কৰি সেউজ কৰাৰ লগতে নৱ প্ৰজন্মৰ বাবে আদৰ্শ হোৱা মুখেশ্বৰ চুতীয়াৰ কৰ্মৰাজিৰ সৰ্বত্ৰে চৰ্চা হোৱা পৰিলক্ষিত হৈছে ।

লগতে পঢ়ক: পিতা-পুত্ৰই নীৰৱেই চলাইছে দুগ্ধ বিপ্লৱ - Self Reliant Story

১২ বছৰে কাঠফুলা খেতিৰে পেটৰ ভাত মোকলাইছে ধেমাজিৰ জিতু গগৈয়ে - Self Reliant Story

চৰকাৰী সাহায্য় অবিহনেই স্বাৱলম্বী নিৰ্মালি বৰদলৈ পূজাৰী - Self Reliant Woman

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.