ETV Bharat / state

সুখ্যাতিৰে পৰীক্ষাত উৰ্ত্তীণ হ‘ল ৰমেন; কিন্তু জীয়াই নাথাকিল ফলাফল শুনিবলৈ - Assam HS Result 2024

author img

By ETV Bharat Assamese Team

Published : May 9, 2024, 5:14 PM IST

Updated : May 9, 2024, 5:46 PM IST

Assam HS Result 2024: সদ্যঘোষিত উচ্চতৰ মাধ্যমিকৰ চূড়ান্ত পৰীক্ষাৰ ফলাফলে অধিক শোকস্তব্ধ কৰি তুলিছে এটা পৰিয়ালক । ৮৮ শতাংশ নম্বৰ লাভ কৰি উত্তীৰ্ণ হোৱা পুত্ৰৰ ফলাফল লাভ কৰি কান্দোনত ভাগি পৰিছে পৰিয়ালটো । কাৰণ জানিলে শোকস্তব্ধ হৈ পৰিব আপুনিও ।

a meritorious student shines in hs examination results but only after passing away
ফলাফল ঘোষণাৰ চাৰিদিন পূৰ্বেই ইহসংসাৰ ত্যাগ কৰিলে মেধাৱী ছাত্ৰই (ETV Bharat Assam)

ফলাফল ঘোষণাৰ চাৰিদিন পূৰ্বেই ইহসংসাৰ ত্যাগ কৰিলে মেধাৱী ছাত্ৰই (ETV Bharat Assam)

নগাঁও,৯ মে': বৃহস্পতিবাৰে ঘোষণা হ'ল উচ্চতৰ মাধ্যমিকৰ চূড়ান্ত পৰীক্ষাৰ তিনিটা শাখাৰ ফলাফল । এই ফলাফলে বহু পৰিয়ালৰ মাজত বোৱাইছে আনন্দৰ বন্যা । পূৰ্বৰ দৰে স্থানপ্ৰাপ্তৰ নাম ঘোষণা নকৰিলেও এইবাৰৰ ফলাফলকলৈ সুখী শিক্ষাৰ্থীসকল । পিছে এই আনন্দ-উল্লাসৰ মাজতে এগৰাকী ছাত্ৰৰ উন্নত ফলাফলে অধিক ম্ৰিয়মান কৰি তুলিছে এটা পৰিয়ালক । ৮৮ শতাংশ নম্বৰ লাভ কৰি সুখ্যাতিৰে উত্তীৰ্ণ হোৱা নিজৰ ফলাফল ল'বলৈ এইখন পৃথিৱীত নাই ছাত্ৰগৰাকী ।

পৰিয়ালটো নগাঁও জিলাৰ কঠীয়াতলিৰ নাৰায়ণ চৰকাৰৰ । নিয়তিৰ নিষ্ঠুৰ পৰিহাস । উচ্চতৰ মাধ্যমিকৰ ফলাফল ঘোষণাৰ মাত্ৰ চাৰি দিন পূৰ্বে এক পথ দুৰ্ঘটনাত প্ৰাণ হেৰুৱাইছিল কঠীয়াতলিৰ নাৰায়ণ সৰকাৰ আৰু অনুপমা সৰকাৰৰ পুত্ৰ ৰমেন বিশ্বাসে । উচ্চতৰ মাধ্যমিক চূড়ান্ত পৰীক্ষাৰ বিজ্ঞান শাখাত অৱতীৰ্ণ হৈছিল ৰমেন বিশ্বাস । অপেক্ষাৰ অন্তত আজি উচ্চতৰ মাধ্যমিকৰ চূড়ান্ত পৰীক্ষাৰ ফলাফল ঘোষণা হ'ল যদিও নিজৰ ফলাফল লাভ কৰাৰ পূৰ্বেই ইহসংসাৰ ত্যাগ কৰে ৰমেন বিশ্বাসে ।

সদ্যঘোষিত উচ্চতৰ মাধ্যমিকৰ চূড়ান্ত পৰীক্ষাৰ ফলাফলত ৫ টা বিষয়ত লেটাৰ নম্বৰসহ ৮৮ শতাংশ নম্বৰ লাভ কৰি উত্তীৰ্ণ হয় চাৰিদিন পূৰ্বে মৃত্যু হোৱা ৰমেন বিশ্বাসে । পুত্ৰ ৰমেন বিশ্বাসৰ এই ফলাফল লাভ কৰাৰ পাছতেই শোকস্তব্ধ পৰিয়ালটো আৰু অধিক শোকত ম্ৰিয়মান হৈ পৰে । পুত্ৰ হেৰুৱাৰ বেদনাই পিতৃ মাতৃৰ বুকত খুন্দিয়াই থকাৰ সময়তেই হেৰুওৱা পুত্ৰৰ উন্নত ফলাফলে এতিয়া শোকস্তব্ধ কৰি তুলিছে পৰিয়ালটোক । প্ৰয়াত ছাত্ৰ ছাত্ৰগৰাকীৰ এনে ফলাফলে সমগ্ৰ অঞ্চলবাসীকে কৰি তুলিছে ম্ৰিয়মান ।

লগতে পঢ়ক: অসম জাতীয় বিদ্যালয়ৰ ফলাফল সন্তোষজনক : ৰাজনীতি বিজ্ঞানত সৰ্বোচ্চ নম্বৰ লাভ - Assam HS Result 2024

100% উত্তীৰ্ণৰ হাৰ : উৎফুল্লিত নলবাৰীৰ অসম ভেলী একাডেমী জুনিয়ৰ কলেজ - Assam HS Result 2024

ইতিহাস হ’ল উচ্চতৰ মাধ্যমিক চূড়ান্ত পৰীক্ষাত শীৰ্ষ স্থানৰ প্ৰসংগ; স্থান প্ৰাপক অবিহনে ওলাল ফলাফল - Assam HS Result 2024

Last Updated : May 9, 2024, 5:46 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.